ଭୁବନେଶ୍ୱର: ଓଡ଼ିଶା ସରକାରଙ୍କ ଦ୍ୱାରା ଆଦାୟ ହୋଇଥିବା ମୋଟ ଖଣି ରାଜସ୍ୱରେ JSW ପୁଣି ସର୍ବାଧିକ ଯୋଗଦାନକାରୀ ହୋଇପାରିଛି। ଚଳିତ ଆର୍ଥିକ ବର୍ଷରେ JSW ଖଣି ରାଜସ୍ୱ ବାବଦକୁ ୧୮,୨୮୪ କୋଟି ଟଙ୍କା ଦେଇଛି । ୨୦୨୧-୨୨ ବର୍ଷରେ କେବଳ ବିଡ୍ ପ୍ରିମିୟମ ମାଧ୍ୟମରେ କମ୍ପାନୀ ୧୧,୬୮୬ କୋଟି ଟଙ୍କାର ରିଟର୍ନ ଦେଇଛି।
ଗତ ବର୍ଷରେ JSWର ମୋଟ ଖଣିଜ ରାଜସ୍ୱ ୩,୬୫୦ କୋଟି ଟଙ୍କା ଥିଲାବେଳେ ୨୦୨୧-୨୨ରେ ଏଥିରେ ଆଖିଦୃଶିଆ ବୃଦ୍ଧି ଘଟିଛି । JSW ଷ୍ଟିଲ୍ ନିଲାମ ନେଇଥିବା କ୍ୟାପ୍ଟିଭ୍ ଖଣିରୁ ପ୍ରିମିୟମ ଏବଂ ଅନ୍ୟାନ୍ୟ ବକେୟା ବାବଦ ରାଜସ୍ୱ ରାଜ୍ୟ ସରକାରଙ୍କ ଦ୍ୱାରା ଆଦାୟ ହୋଇଥିବା ମୋଟ ଖଣିଜ ରାଜସ୍ୱର ୫୨.୫ ପ୍ରତିଶତ ବା ୨୪,୧୭୧ କୋଟି । ୨୦୨୧-୨୨ର ୪ର୍ଥ କ୍ୱାର୍ଟର ରାଜସ୍ୱ ଡାଟା ଅନୁସାରେ, JSW ଏହାର କ୍ୟାପ୍ଟିଭ୍ ଖଣିରୁ ସମସ୍ତ ବକେୟା ପ୍ରଦାନ ସହ ରାଜକୋଷକୁ ୩,୫୧୭ କୋଟି ଟଙ୍କାର ଅବଦାନ ଦେଇଛି ।
ମାର୍ଚ୍ଚ ମାସରେ ରାଜ୍ୟ ଖଣି ରାଜକୋଷରେ JSWର ଯୋଗଦାନ ୧,୯୦୦ କୋଟି ପାର୍ କରିଥିଲା । ନିକଟରେ ଆଗତ ହୋଇଥିବା ଅନ୍ତରୀଣ ବଜେଟ୍ ଅନୁସାରେ, ଖଣି ରାଜସ୍ୱ ରାଜ୍ୟର ନିଜସ୍ୱ ମୋଟ ଅଣ-ଟିକସ ରାଜସ୍ୱର ୯୦ ପ୍ରତିଶତ ।
କରୋନା ମହାମାରୀ ଯୋଗୁ ସମସ୍ତ ଯୋଗାଣ ଶୃଙ୍ଖଳା ବ୍ୟାହତ ହୋଇଥିବ।ବେଳେ JSW ଏହାର ଖଣି କାର୍ଯ୍ୟ ଆରମ୍ଭ କରିଥିଲା । କ୍ରମେ ଏହାର ଉତ୍ପାଦନ ବୃଦ୍ଧି ଜାରି ରଖି ଗୋଟିଏ ଦିନରେ ୧ ଲକ୍ଷ ଟନ୍ ଲୁହାପଥର ପରିବହନ ତଥା ପ୍ରେରଣ କରିବାର ମାଇଲଖୁଣ୍ଟ ହାସଲ କରଛି । ରାଜ୍ୟ ସରକାର ଚଳିତ ବର୍ଷ ଖଣିକ୍ଷେତ୍ରରୁ ୪୮,୦୦୦ କୋଟି ରାଜସ୍ୱ ଆଦାୟ କରିଛନ୍ତି, ଯେଉଁଥିରେ କୋଇଲା ଖଣିର ପ୍ରାୟ ୯୭୧ କୋଟି
ଅନ୍ତର୍ଭୂକ୍ତ ।
୨୦୨୦-୨୧ରେ ଓଡ଼ିଶା ଖଣି କ୍ଷେତ୍ରରୁ ୧୩,୮୦୦ କୋଟି ଆଦାୟ କରିଥିବାବେଳେ ଏଥିରେ ବଡ଼ ଧରଣର ବୃଦ୍ଧି ଘଟିଛି । ଚଳିତ
ଆର୍ଥିକ ବର୍ଷରେ ୪୬,୦୦୦ କୋଟିର ଖଣି ରାଜସ୍ୱ ଆକଳନ କରାଯାଇଛି । ଏଥିରେ JSW ଗ୍ରୁପ୍ କମ୍ପାନୀର ମୋଟ ଯୋଗଦାନ ୧୨,୬୮୩
କୋଟି, ଯାହା କି ରାଜ୍ୟ ଖଣିଜ ରାଜସ୍ୱର ୨୬ ପ୍ରତିଶତ। ଚଳିତ ଆର୍ଥିକ ବର୍ଷ ପାଇଁ କମ୍ପାନୀ ୨୮ ମେଟ୍ରିକ୍ ଟନ୍ ଉତ୍ପାଦନ ଟାର୍ଗେଟ ରଖି ଆଗକୁ ବଢ଼ିବ ।