ମୁମ୍ବାଇ: ପ୍ରସିଦ୍ଧ ବଲିଉଡ଼ ନିର୍ମାତା ସାଜିଦ୍ ନାଡ଼ିଆଦୱାଲା ଓ କରନ ଜୋହରଙ୍କ ନିର୍ମିତ ବହୁ ପ୍ରତୀକ୍ଷିତ ଫିଲ୍ମ ‘କଲଙ୍କ୍’ର ଇତିମଧ୍ୟରେ ପୋଷ୍ଟର୍ ରିଲିଜ୍ ହୋଇଛି ।
ମାତ୍ର ମାର୍ଚ୍ଚ ୧୨ ତାରିଖରେ ଟିଜର୍ ରିଲିଜ ହେବା ନେଇ ଫିଲ୍ମର ଲିଡ଼ିଂ ରୋଲରେ ଥିବା କ୍ୟୁଟ୍ ଆକ୍ଟ୍ରେସ୍ ଆଲିଆ ଭଟ୍ଟ ଟ୍ୱିଟ୍ଟ୍ କରି ତାଙ୍କର ଅସଂଖ୍ୟ ଫ୍ୟାନଙ୍କୁ ଜଣାଇଛନ୍ତି ।
ଆସନ୍ତା ଏପ୍ରିଲ୍ ୧୭ ତାରିଖରେ ରିଲିଜ୍ ହେବାକୁ ଥିବା ଏହି ହିନ୍ଦି ସିନେମା ‘କଲଙ୍କ୍’ରେ ତିନି ଜଣ ଆକ୍ଟର୍ ଓ ତିନି ଜଣ ଆକ୍ଟ୍ରେସ ରହିଛନ୍ତି ।
Roop ki kahaani ki jhalak dekhiye #Kalank teaser ke saath. Out on Tuesday 12th March, 2019!@duttsanjay #AdityaRoyKapur @Varun_dvn @sonakshisinha @MadhuriDixit @abhivarman @ipritamofficial @karanjohar #SajidNadiadwala @apoorvamehta18 @foxstarhindi @DharmaMovies @NGEMovies pic.twitter.com/uhQzjlaTEN
— Alia Bhatt (@aliaa08) March 9, 2019
ଅଭିଷେକ ବର୍ମନଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମରେ ମାଧୁରୀ ଦିକ୍ଷିତ, ସୋନାକ୍ଷୀ ସିହ୍ନାଙ୍କ ପରି ଆଗଧାଡ଼ିର ଆକ୍ଟ୍ରେସ୍ ରହିଥିବା ବେଳେ ବରୁଣ ଧାୱନ, ଆଦିତ୍ୟ ରାଏ କପୁର ଏବଂ ସଞ୍ଜୟ ଦତ୍ତଙ୍କ ପରି ପୋଖତ ବଲିଉଡ଼ ଆକ୍ଟର୍ ଅଭିନୟ କରିଛନ୍ତି ।
ନାରୀ ଜୀବନରେ ଘଟୁଥିବା ଅକଥନୀୟ ଯନ୍ତ୍ରଣାକୁ ନେଇ ଏହି ଫିଲ୍ମଟି ନିର୍ମିତ ହୋଇଛି ।
ପ୍ରାୟ ୧୫ ବର୍ଷ ପୂର୍ବରୁ ଶ୍ରୀଦେବୀଙ୍କୁ ନେଇ ଏହି ‘କଲଙ୍କ୍’ ଫିଲ୍ମ ନିର୍ମାଣ କରିବାକୁ ନିର୍ମାତା କରଣ ଜୋହର୍ ଚିନ୍ତା କରିଥିଲେ । ତେବେ ଶ୍ରୀଦେବୀଙ୍କ ଅକସ୍ମାତ ମୃତ୍ୟୁ ପରେ ତାଙ୍କ ବଦଳରେ ଭେଟେରାନ୍ ବଲିଉଡ଼ ଆକ୍ଟ୍ରେସ ମାଧୁରୀ ଦିକ୍ଷିତଙ୍କୁ ନେଇଛନ୍ତି କରଣ । ଏହି ଫିଲ୍ମରେ ଅନେକ ବର୍ଷ ପରେ ମାଧୁରୀ ଓ ସଞ୍ଜୟ ଦତ୍ତଙ୍କୁ ଏକାଠି ଅଭିନୟ କରିବା ଦେଖିବାକୁ ମିଳିବ ।
ବଲିଉଡ଼ ସୁନ୍ଦରୀ ଆଲିୟା ଭଟ୍ଟ ଏବଂ ସୁନୟନା ସୋନାକ୍ଷୀ ସିହ୍ନାଙ୍କ ରୋମାଞ୍ଚଭରା ଅଭିନୟ ସାଙ୍ଗକୁ ବରୁଣ ଧାୱନଙ୍କ ରୋମାନ୍ସ ଦେଖିବାକୁ ଫ୍ୟାନମାନେ କେବଳ ଫିଲ୍ମର ରିଲିଜିଂ ଡ଼େଟକୁ ପ୍ରତୀକ୍ଷା କରିଛନ୍ତି ।
ପ୍ରାୟ ୮୦ କୋଟି ଟଙ୍କା ବ୍ୟୟରେ ଧର୍ମା ପ୍ରଡ଼କ୍ସନ ଦ୍ୱାରା ନିର୍ମିତ ଏହି ହିନ୍ଦୀ ସିନେମାର କାହାଣୀ ଲେଖିଛନ୍ତି ମଧ୍ୟ ନିଜେ ନିର୍ଦ୍ଦେଶକ ଅଭିଷେକ ବର୍ମନ ।