ପ୍ରଫୁଲ୍ଲ କୁମାର ତ୍ରିପାଠୀଙ୍କ ନିୟମିତ ବିଭାଗ ‘ଭାଷା ଭାଗବତ’
ଗୁଣୀଂକୁ ଜଣାଇ ସମ୍ମାନ
ସଂସ୍କାର କରିବା ସ୍ଥାପନ
ବୟସ ଯେଣୁ ଏକ ସଂଖ୍ୟା
ନେବାନି କାହାଠାରୁ ଦୀକ୍ଷା
ସ୍ବାନୁଭୂତିରୁ ପାଇ ଶିକ୍ଷା
ଦେବାକୁ ପଡ଼ିବ ପରୀଷା
ପରୀକ୍ଷା ପରେ ଫଳାଫଳ
ସଫଳ ଅଥବା ନିଷ୍ଫଳ
ଯାହା ହେଲେ ବି ଥାଉଁ ରହି
କାଳସୁଅରେ ବହି ବହି
ମହାକାଳରେ ଯାଉଁ ମିଶି
ଯେତେକ ପ୍ରୟାସୀ, ପ୍ରତ୍ୟାଶୀ
ଜଣାପଡ଼େନି ଅଗ, ମୂଳ
ତେବେ ବି ହେଉଛୁଁ ବିକଳ
କାଳେ ମିଳିବ ଭଲ ଫଳ
ଅଜ୍ଞାନ ଓ ସୁଜ୍ଞାନୀ ଦଳ
ନିଜତ୍ବ କରୁଛୁଁ ବର୍ଜନ
ପାଇବା ପାଇଁ ଧନ, ମାନ
ଜୀବନ ହେଲେ ବୁଝାମଣା
ଜୀବୀ ବି ଆପେ ହୁଏ ବଣା
ଭାଷାର ମୌଳିକ ପ୍ରବୃତ୍ତି
ହେଲେ ହେଁ ଭାବ ଅଭିବ୍ୟକ୍ତି
କରୁଛୁଁ ସ୍ମୃତି ସଂଚୟନ
ଏମିତି ବିତୁଛି ଜୀବନ
ସଂଦେହ, ଡର, ଲାଜ, ଭ୍ରାଂତି
ଅଶେଷ କ୍ଷତି କରିଥାଂତି
ବ୍ୟକ୍ତି ହୋଇଲେ ସଚେତନ
କରଇ ଏ ସବୁ ନିଧନ
ଏ ସବୁ ହେବାଯାଏଁ ଅଂତ
ଜିଇଁବା ହୋଇ ହଂତସଂତ
ନିଶ୍ଚିତ ମରଣ ପର୍ଯଂତ
ଏହା ତ ଅଟେ ସ୍ଥିର ସତ୍ୟ
