ପ୍ରଫୁଲ୍ଲ କୁମାର ତ୍ରିପାଠୀଙ୍କ ନିୟମିତ ବିଭାଗ
ଆତ୍ମଜ୍ଞାନରୁ ମିଳେ ଶକ୍ତି
ଏହା ହିଁ ଶୁଦ୍ଧ ଆତ୍ମଭକ୍ତି
ତାହା ନ ଥିଲେ ଜଣେ ବ୍ୟକ୍ତି
ସର୍ବଦା କରେ ପୁନରୁକ୍ତି
ସ୍ବାଧୀନତା କେ ଦିଏନାହିଁ
ସ୍ବାୟତ୍ତତା କେ ପାଏନାହିଁ
ଉଭୟ କରିଲେ ଅର୍ଜନ
ବ୍ୟକ୍ତି ହିଁ ହୁଏ ଶକ୍ତିମାନ
ନର ହେଉ ଅଥବା ନାରୀ
ନ ହେଲେ ଶକ୍ତିଅଧିକାରୀ
ଭୋଗଂତି ନିର୍ମମ କଷଣ
ପ୍ରଥାଦି କରଂତି ପାଳନ
ବିଶ୍ବବ୍ୟାପୀ ଏ କାର୍ଯଧାରା
ଗଢ଼ିଦେଇଛି ଯେଉଁ କାରା
ହୋଇ ସେଠାରେ ଅଧିବାସୀ
କେହି ପାଆଂତି ନିତି ଖୁସି
ଆଖି ବୁଝିଲେ ଯାହା ଦିଶେ
ବଧିର କାନେ ଯାହା ପଶେ
ଅଦୃଶ୍ୟ ଓ ଅଶ୍ରୁତ ମିଶେ
ମନରୁ କେବେ ବି ନ ଖସେ
କ୍ଷମତାଧାରୀ ଜଣେ ବ୍ୟକ୍ତି
ଦେଖାଏ ଯେତେ ପ୍ରତିପତ୍ତି
ଲୁଚାଏ ତହିଁରୁ ଅଧିକ
ସେ ହୁଏ ଆଜୀବନ ଠକ
ନିଜକୁ ଯାହା ବୋଲି ଭାବେ
ସ୍ବୀକାର ନ କରିଲେ ସର୍ବେ
ଚଳାଏ ଆପଣା ପ୍ରଚାର
ସିଏ କେମିତି କର୍ମବୀର
ବେତନଭୋଗୀ କର୍ମଚାରୀ
ଦଳୀୟ ପତାକାଟେ ଧରି
ଯା ଇଚ୍ଛା ହୁଏ, ପାରେ କରି
କାହାକୁ ନ ଡରି, ସୁମରି
ଦାସ ଭଳି ଯେ ଅନୁଗତ
ତାହାର ମନ ଆଉ ଚିତ୍ତ
କେବେ ନ ହୁଅଂତି ସ୍ବାଧୀନ
ଏମିତି ବିତେ ତା ଜୀବନ
ଯେ ହୁଏ ଏତେ ବଶଂବଦ
ତାହାର ମନେ ଦ୍ବିଧା, ଦ୍ବଂଦ୍ବ
ସର୍ବଦା କରୁଥାଂତି ବାସ
ଶକ୍ତିର ସତ୍ତା ହୁଏ ନାଶ
Comments are closed.