ଡଃ.କୁଳାଙ୍ଗାର 
ରଜଦୋଳି କଟ କଟ,
ଖେଳିବିନି ଏଇ କରୋନା ଯୋଗୁଁ ମୋ
ମନ ହୁଏ ଛଟପଟ !
ରଜ ସଜ ପାନଖିଆ,
ଛାଡିବନି ଦାଗ ମାସ୍କଟାକୁ ମୋ
ନାଲିଆ କରିବି କିଆଁ ?
ଲୁଗା ଦୋକାନ ତ ବନ୍ଦ,
ଲୁଚେଇ ପୋଷାକ କିଣି ପିନ୍ଧିବାକୁ
ମନମୋର କାନ୍ଦକାନ୍ଦ !
ପୋଡପିଠା ପୋଡିଯାଉ,
ପିଠା ନୁହେଁ ଟିକା ଖାଇକି ଏବର୍ଷ
ରଜଟା ପାଳନ ହେଉ !
ଆସିଅଛି ରଜ ଭାର,
ତା ସହ ମାଗଣା କରୋନା ବେମାରୀ
ନିଅ ଉପଭୋଗ କର !
ତାଆସ ଖେଳର ମଜା ,
ସଞ୍ଜକୁ କରୋନା ଗେଲ କରିବାରୁ
ହସ୍ପିଟାଲ ଗଲେ ଅଜା !
ଖର୍ଚ୍ଚ ହେବା ଭୀରୁତାରେ,
ଘରେ ମୁଁ କହିଛି ରଜ ପାଳ ହେଲେ
ସାମାଜିକ ଦୂରତାରେ !
ବନସ୍ତେ ଡାକିଲେ ଗଜ,
ସନ୍ଦେହ ମୋ ହୁଏ ଶିକାରୀ କିଏ ସେ
ଲାଖ ବିନ୍ଧିଅଛି ଆଜ !
ହାପିରଜ ଜଣେଇଲି ,
ଫୋନ ପେ ରେ ପଠେଇବ ଧନ
ରଜ ମୁଁ ପାଳିବି ବୋଲି !
Comments are closed.