ନୂଆଦିଲ୍ଲୀ: ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ରା ଆଜି ଲୋକସଭା ଏଥିକ୍ସ କମିଟିରେ ହାଜର ହୋଇଥିଲେ । ହେଲେ ବୈଠକରୁ ରାଗିପାଚି ବାହାରିଥିବା ଦେଖିବାକୁ ମିଳିଥିଲା । ଦ୍ୱିପହର ବୈଠକ ପରେ ବାହାରକୁ ଆସିବା ବେଳକୁ ରାଗରେ ନାଲି ପଡି ଯାଇଥିଲେ ମହୁଆ । ତାଙ୍କ ସହ ବହୁଜନ ସମାଜପାର୍ଟି ସାଂସଦ ଦାନିଶ ଅଲି ମଧ୍ୟ ଥିଲେ । ବିରୋଧୀ ଦଳ ସାଂସଦ ପାଟିତୁଣ୍ଡ କରି ବାହାରକୁ ଆସିଥିଲେ । ଏହି ସମୟର ଭିଡିଓ ସାମ୍ନାକୁ ଆସିଛି ।
ତେବେ ମହୁଆ ଏକଥା କହୁଥିବା ଶୁଣିବାକୁ ମିଳିଥିଲା, ଏହି ଏଥିକ୍ସ କମିଟି କ’ଣ ? ଏ କି ପ୍ରଶ୍ନ ପଚାରୁଛନ୍ତି ? ତେବେ ମହୁଆ ଏତେ ଉତ୍ତ୍ୟକ୍ତ କାହଁକି ହେଉଥିଲେ ତାହାର କାରଣ ସ୍ପଷ୍ଟ ଜଣା ପଡି ନ ଥିଲା । ଅନ୍ୟପକ୍ଷେ ଦାନିଶ ଅଲି କହିଥିଲେ, ଏଠାରେ ସବୁ ଅନଏଥିକାଲ ପ୍ରଶ୍ନ ପଚରା ଯାଇଥିଲା । ଦାନିଶ ଅଲି ଆହୁରି କହିଥିଲେ, ରାତିରେ କାହା ସହ କ’ଣ କଥା ହେଉଥିଲେ ଏପରି ପ୍ରଶ୍ନ ପଚାରିଥିଲେ ଏଥିକ୍ସ କମିଟି । ଏପରି ପ୍ରଶ୍ନ ପଚାରିବାର ଉଦ୍ଦେଶ୍ୟ କ’ଣ ବୋଲି ପଚାରିଥିଲେ ବିରୋଧୀ ସାଂସଦ ।
ଲୋକସଭା ଏଥିକ୍ସ କମିଟିର ପ୍ରଶ୍ନ ପଚାରିବାର ଶୈଳୀକୁ ନେଇ ପ୍ରଶ୍ନ ଉଠାଇଛନ୍ତି ବିରୋଧୀ । ଆଉ ସେଥିପାଇଁ ବୈଠକରୁ ବାହାରି ଆସିଥିଲେ । ମହୁଆଙ୍କୁ ବ୍ୟକ୍ତିଗତ ଏବଂ ଅନୈତିକ ପ୍ରଶ୍ନ ପଚାରା ଯାଇଥିବା ଅଭିଯୋଗ ହେଇଛି । କଂଗ୍ରେସ ସଦସ୍ୟ ଏନ ଉତ୍ତମ କୁମାର ରେଡ୍ଡି କହିଛନ୍ତି, ଏଥିକ୍ସ କମିଟିର ପ୍ରଶ୍ନ ଆମକୁ ଅନୈତିକ ଲାଗିଲା ।
ଭାଜପା ସାଂସଦ ନିଶିକାନ୍ତ ଦୁବେ ଲୋକସଭା ଅଧ୍ୟକ୍ଷଙ୍କୁ ଅକ୍ଟୋବର ୧୫ ତାରିଖରେ ଏକ ପତ୍ର ଲେଖି ଅଭିଯୋଗ ଆଣିଥିଲେ ଯେ ମହୁଆ ମୋଇତ୍ର ଲୋକସଭାରେ ୬୧ଟି ପ୍ରଶ୍ନ ପଚାରିତିଲେ । ଏଥିରୁ ୫୦ଟି ପ୍ରଶ୍ନ ଆଦାନୀ ଗ୍ରୁପ ଉପରେ କେନ୍ଦ୍ରିତ ଥିଲା । ଅଦାନୀ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଘେରିବା ପାଇଁ ଏହି ପ୍ରଶ୍ନ ପଚାରିବା ଲାଗି ମହୁଆ ଲାଞ୍ଚ ନେଉଥିବା ଅଭିଯୋଗ ଆଣିଥିଲେ । ତେବେ ମହୁଆ ଏପରି ଅଭିଯୋଗକୁ ଖଣ୍ଡନ କରିଥିଲେ ।
#WATCH | Delhi: Opposition parties MPs including TMC MP Mahua Moitra and BSP MP Danish Ali, walked out from the Parliament Ethics Committee meeting.
TMC MP Mahua Moitra appeared before the Parliament Ethics Committee in connection with the ‘cash for query’ charge against her. pic.twitter.com/EkwYLPnD1O
— ANI (@ANI) November 2, 2023