ମୁମ୍ୱାଇ: ସପିଂ ମଲରେ ଭୟାବହ ଅଗ୍ନିକାଣ୍ଡ । ମୁମ୍ୱାଇର ନାଗପଡ଼ା ଅଞ୍ଚଳରେ ଥିବା ମଲରେ ଲାଗିଥିଲା ନିଆଁ । ଗତକାଲି ରାତିରୁ ହଠାତ୍ ମୁମ୍ୱାଇର ସିଟି ସେଣ୍ଟ୍ରାଲ ମଲରେ ଅଗ୍ନିକାଣ୍ଡ ହୋଇଥିଲା । ଖବର ପାଇଁ ଘଟଣାସ୍ଥଳରେ ପହଞ୍ଚିଥିଲା ଅଗ୍ନିଶମ ବାହିନୀ ଟିମ୍ । ଆଜି ସକାଳ ନିଆଁ ଆୟତ୍ତ କରାଯାଇଛି ।
ଗତକାଲି ରାତି ୯ଟାରେ ପ୍ରଥମେ ସପିଂ ମଲର ଦ୍ୱିତୀୟ ମହଲାରେ ନିଆଁ ଲାଗିଥିଲା । ପରେ ଏହା ତୃତୀୟ ମହଲାକୁ ବ୍ୟାପିଥିଲା । ସେତେବେଳେ ମଲ୍ ଭିତରେ ପାଞ୍ଚ ଶହ ଲୋକ ଥିବା କୁହାଯାଉଛି । ସମସ୍ତଙ୍କୁ ଯୁଦ୍ଧକାଳିନ ଭିତ୍ତିରେ ବାହାରକୁ ବାହାର କରାଯାଇଥିଲା ।
#UPDATE: Two fire personnel injured during the firefighting operation at a mall in Mumbai’s Nagpada area. https://t.co/K8Suf4ZQq8
— ANI (@ANI) October 23, 2020
ସାରା ରାତି ଚାଲିଥିଲା ନିଆଁ ଲିଭା କାମ । ନିୟୋଜିତ ଥିଲେ ୨୫୦ ଆଗ୍ନିକ ଓ ୨୪ ଜଣ ଫାୟାର ଇଞ୍ଜିନିୟର । ନିଆଁ ଲିଭାଇବାକୁ ଅଗ୍ନିଶମ ବାହିନୀକୁ ବେଶ କସରତ କରିବାକୁ ପଡ଼ିଥିଲା । ଆହତ ହୋଇଛନ୍ତି ଅଗ୍ନିଶମ ବାହିନୀର ଦୁଇ ଜଣ କର୍ମଚାରୀ । ଅଗ୍ନିକାଣ୍ଡର ପ୍ରକୃତ କାରଣ ଅସ୍ପଷ୍ଟ ରହିଛି । ସର୍ଟ ସର୍କିଟରୁ ନିଆଁ ଲାଗିଥିବା ଅନୁମାନ କରାଯାଉଛି ।