ନୂଆଦିଲ୍ଲୀ: ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀ ଏବଂ ଦଳର ଜାତୀୟ ସାଧାରଣ ସମ୍ପାଦକ ଅଭିଷେକ ବାନାର୍ଜୀ ସୋମବାର ଦିନ କକ୍ରୋଚ୍ ଜନତା ପାର୍ଟି (CJP) ନାମକ ସୋସିଆଲ ମିଡିଆ-ଭିତ୍ତିକ ବ୍ୟଙ୍ଗାତ୍ମକ ଦଳକୁ ସମର୍ଥନ କରିଛନ୍ତି।
ଏନେଇ ଟିଏମସି ରାଜ୍ୟସଭା ସାଂସଦ ଡେରେକ୍ ଓ’ବ୍ରାଏନ୍ Xରେ ପୋଷ୍ଟ କରିଛନ୍ତି। ଓ’ବ୍ରାଏନ୍ କହିଛନ୍ତି ଯେ ପଶ୍ଚିମବଙ୍ଗ ନିର୍ବାଚନରେ ପରାଜୟ ପରେ ମମତା ଏବଂ ଅଭିଷେକ ଉଭୟ ଦଳକୁ ମଜବୁତ କରିବା ଉପରେ ଧ୍ୟାନ ଦେଉଛନ୍ତି। ଦଳୀୟ ପ୍ରସଙ୍ଗରେ ଆଲୋଚନା କରିବା ସହିତ ଦୁଇ ନେତା ଅନଲାଇନ୍ ଆନ୍ଦୋଳନ “କକ୍ରୋଚ୍” ପ୍ରତି ସେମାନଙ୍କର ସମର୍ଥନ ମଧ୍ୟ ପ୍ରକାଶ କରିଛନ୍ତି।
କକ୍ରୋଚ୍ ଜନତା ପାର୍ଟି ବୋଷ୍ଟନ୍-ଭିତ୍ତିକ ଅଭିଜିତ୍ ଡିପ୍କେଙ୍କ ଦ୍ୱାରା ଆରମ୍ଭ ହୋଇଥିଲା। ଏହା ମିମ୍ ଏବଂ ବ୍ୟଙ୍ଗ ମାଧ୍ୟମରେ ସୋସିଆଲ ମିଡିଆରେ ଶୀଘ୍ର ଲୋକପ୍ରିୟ ହୋଇଯାଇଥିଲା। ଭାରତର ପ୍ରଧାନ ବିଚାରପତି ସୂର୍ଯ୍ୟକାନ୍ତଙ୍କ ବିବାଦୀୟ ମନ୍ତବ୍ୟକୁ ନେଇ ଅନଲାଇନରେ ଅସନ୍ତୋଷ ସୃଷ୍ଟି ହେବା ପରେ ଏହି ଆନ୍ଦୋଳନ ଆରମ୍ଭ ହୋଇଥିଲା। ଅନେକ ୟୁଜର୍ସ ଅନୁଭବ କରିଥିଲେ ଯେ ବେକାର ଯୁବକମାନଙ୍କୁ “କକ୍ରୋଚ୍” ସହିତ ତୁଳନା କରାଯାଉଛି। ଯାହା ଫଳରେ ପ୍ରତିବାଦ ସ୍ୱରୂପ ଦଳର ପ୍ରତିକ ଭାବରେ କକ୍ରୋଚ୍ ରହିଛି।
ଏହି ଦଳ ସମ୍ପ୍ରତି NEET-UG 2026 ପେପର୍ ଲିକ୍ ପ୍ରସଙ୍ଗ ଉଠାଇବା ସହ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବି କରିଥିଲା।