ନୂଆଦିଲ୍ଲୀ: ଜବାହାର ଲାଲ୍ ନେହରୁ ବିଶ୍ୱବିଦ୍ୟାଳୟ (ଜେଏନୟୁ) କ୍ୟାମ୍ପସରେ ରବିବାର ରାତିରେ ମାରଣାସ୍ତ୍ର ସହିତ କିଛି ଦୁର୍ବୃତ୍ତ କିଛି ଛାତ୍ରଙ୍କ ସମେତ ଅଧ୍ୟାପକମାନଙ୍କୁ ମଧ୍ୟ ଆକ୍ରମଣ କରିଛନ୍ତି । ଏହି ଘଟଣାକୁ ନେଇ ସାରା ଦେଶରେ ରାଜନୈତିକ ହଟଚମଟ ସୃଷ୍ଟି ହୋଇଛି ।
ଏହି ଘଟଣାକୁ ଦୃଷ୍ଟିରେ ରଖି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ ଦିଲ୍ଲୀ ପୋଲିସ କମିଶନରଙ୍କୁ କ୍ୟାମ୍ପସରେ ଶାନ୍ତି ଶୃଙ୍ଖଳା ବଜାୟ ରଖିବାକୁ ନିର୍ଦ୍ଦେଶ ଦେଇଛନ୍ତି ।
ଏହି ପରିପ୍ରେକ୍ଷୀରେ ସେ ଟ୍ୱିଟ୍ କରି ଜଣାଇଛନ୍ତି ଯେ, କ୍ୟାମ୍ପସରେ ଶୃଙ୍ଖଳା ରକ୍ଷା କରିବାକୁ ପୋଲିସ ମୁତୟନ ହୋଇଛନ୍ତି ।
କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ ଏମ୍ସ ଯାଇ ଆହତ ଛାତ୍ରମାନଙ୍କୁ ଭେଟିଛନ୍ତି । କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖ୍ରିୟାଲ୍ ଜେଏନୟୁ କ୍ୟାମ୍ପସରେ ଶାନ୍ତି ଶୃଙ୍ଖଳା ବଜାୟ ରଖିବାକୁ ଛାତ୍ରମାନଙ୍କୁ ଅନୁରୋଧ କରିଛନ୍ତି ।
ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ପ୍ରାୟ ୨୫ ରୁ ଅଧିକ ଛାତ୍ର ଓ ଶିକ୍ଷକ ଏହି ଘଟଣାରେ ଆହତ ହୋଇ ଏମ୍ସରେ ଚିକିତ୍ସା ଲାଗି ଭର୍ତ୍ତି ହୋଇଛନ୍ତି ।
ଏହି ଘଟଣାରେ ଜେଏନୟୁସୁ ଛାତ୍ର ସଂସଦ ସଭାପତି ଏଇଶି ଘୋଷ ଗୁରୁତର ଭାବେ ଆହତ ହୋଇଥିବା ସୂଚନା ମିଳିଛି । କ୍ୟାମ୍ପସର କିଛି ଛାତ୍ର ଦକ୍ଷିଣପନ୍ଥୀ ଛାତ୍ର ସଂଗଠନ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି)ର କିଛି ଛାତ୍ର ଏହି ଘଟଣା ସହିତ ସମ୍ପୃକ୍ତ ଅଛନ୍ତି ବୋଲି କିଛି ଛାତ୍ର ଗଣମାଧ୍ୟମରେ ଅଭିଯୋଗ କରିଛନ୍ତି ।
Delhi: Police outside Jawaharlal Nehru University (JNU) main gate; Devendra Arya, DCP (South-West) also present . pic.twitter.com/47xs5dmfQP
— ANI (@ANI) January 6, 2020
“ମୁଖା ପିନ୍ଧି ଏବିଭିପି ପକ୍ଷରୁ ପୋଲିସ ଉପସ୍ଥିତିରେ ଏପରି ଆକ୍ରମଣ କରାଯାଇଛି । ସେମାନେ ପଥର ଫିଙ୍ଗୁଥିଲେ, ପାଚେରୀ ଚଢି ହଷ୍ଟେଲ ମଧ୍ୟକୁ ପଶିଥିଲେ । ହଷ୍ଟେଲ ଭିତରେ ପଶି ଛାତ୍ରମାନଙ୍କୁ ନିସ୍ତୁକ ମାଡ଼ ମାରିଥିଲେ ଏହି ବ୍ୟକ୍ତିମାନେ । ଛାତ୍ରଙ୍କ ସହିତ ଅନେକ ଶିକ୍ଷକ ମଧ୍ୟ ଏହି ଦୁର୍ବୃତ୍ତମାନଙ୍କ ମାଡ଼ରୁ ବର୍ତ୍ତି ପାରିନାହାନ୍ତି । ଛାତ୍ରମାନେ ଏହି ଗୁଣ୍ଡାମାନଙ୍କ କବଳରୁ ଖସି ଦୌଡିବାକୁ ଚେଷ୍ଟା କରିଥିଲେ ମଧ୍ୟ ଏମାନେ ଗୋଡ଼ାଇ ଗୋଡ଼ାଇ ପିଟିଥିଲେ । ଏହି ଦୁର୍ବୃତ୍ତମାନେ ଛାତ୍ରମାନଙ୍କୁ ‘ଭାରତ ମାତା କୀ ଜୟ’ ସ୍ଲୋଗାନ କହିବାକୁ ବାଧ୍ୟ କରୁଥିଲେ,” ବୋଲି ଜେଏନୟୁ ଛାତ୍ର ସଂଘର ଆହତ ସଭାପତି ଗଣମାଧ୍ୟମରେ କହିଛନ୍ତି ।
Shocked to know about the violent #JNUattack. Violence has no space in democracy and such attacks on students must be condemned unequivocally. Appeal law enforcement agencies to take swift action to apprehend the culprits and wish the injured students a speedy recovery.
— Naveen Patnaik (@Naveen_Odisha) January 6, 2020
ଏହି ଘଟଣାର ଗଭୀର ନିନ୍ଦା କରିଛନ୍ତି ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ଏହି ଘଟଣା ସମ୍ପର୍କରେ ଟ୍ୱିଟ୍ କରି ଗଭୀର ଉଦବେଗ ପ୍ରକାଶ କରିଛନ୍ତି । ସେ କହିଛନ୍ତି, ଗଣତନ୍ତ୍ରରେ ହିଂସାର ସ୍ଥାନ ନାହିଁ । ଏଭଳି ଘଟଣା ନିଶ୍ଚିତ ରୂପେ ନିନ୍ଦନୀୟ । ଅଭିଯୁକ୍ତମାନଙ୍କୁ ତୁରନ୍ତ ଧରିବା ସହିତ ଗୁରୁତର ଆହତ ଛାତ୍ରମାନଙ୍କର ଆଶୁ ଆରୋଗ୍ୟ କାମନା କରିଛନ୍ତି ।
ଏହି ଘଟଣାର ଗଭୀର ନିନ୍ଦା କରିଛନ୍ତି, ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହ ଏବଂ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ।
Mumbai: Students continue to protest outside Gateway of India against yesterday’s violence in Jawaharlal Nehru University (JNU). #Maharashtra https://t.co/6uNb1f9iZR pic.twitter.com/6p2sikQLgl
— ANI (@ANI) January 6, 2020
ଏହି ଘଟଣା ଘଟିବା ପରେ ପୂର୍ବତନ ଜେଏନୟୁ ପୂର୍ବତନ ଛାତ୍ର ଯୋଗେନ୍ଦ୍ର ଯାଦବ ଜେଏନୟୁ କ୍ୟାମ୍ପସରେ ପ୍ରବେଶ କରିବାକୁ ଚେଷ୍ଟା କରିଥିଲେ । ମାତ୍ର ପୋଲିସ ବାଧାଦେବାରୁ ସେ ଭିତରକୁ ପ୍ରବେଶ କରିପାରିନାହାନ୍ତି । ଏହି ଘଟଣାରେ ବଲିଉଡ୍ ଅଭିନେତ୍ରୀ ସ୍ୱରା ଭାସ୍କର କ୍ୟାମ୍ପସ ମଧ୍ୟରେ ଶାନ୍ତି ଶୃଙ୍ଖଳା ବଜାୟ ରଖିବାକୁ ଟ୍ୱିଟ୍ କରି ଆହ୍ୱାନ ଦେଇଛନ୍ତି ।