ଝାରସୁଗୁଡା: ଓଡିଶାର ଝାରସୁଗୁଡା ଜିଲ୍ଲାରେ ମାଟ୍ରିକ ପରୀକ୍ଷା ଦେବାକୁ ଯାଉଥିବା ଭଉଁରା ଉଚ୍ଚ ବିଦ୍ୟାଳୟର ଜଣେ ଛାତ୍ର ସାଇକେଲରୁ ପଡି ପ୍ରାଣ ହରାଇଛନ୍ତି ।
ମୃତକଙ୍କ ପିତା କହିଛନ୍ତି, “ସେ ବାଗଡିହି ହାଇସ୍କୁଲକୁ ପରୀକ୍ଷା ଦେବା ପାଇଁ ଯିବା ବାଟରେ ସାଇକେଲରୁ ପଡି ଅଚେତ ହୋଇଯାଇଥିଲା । ଏହା ପରେ କିଛି ସ୍ଥାନୀୟ ଲୋକ ଆମ୍ବୁଲାନ୍ସ ଡକାଇଥିଲେ । ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା । କିନ୍ତୁ ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ ।”
ଆମ୍ବୁଲାନ୍ସ ବିଳମ୍ବରେ ଆସିଥିବାରୁ ପୁଅର ଜୀବନ ଚାଲିଗଲା ବୋଲି ମୃତକଙ୍କ ପିତା ଅଭିଯୋଗ ଆଣିଛନ୍ତି । ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଏହି ଘଟଣା ସମୟରେ ଉପସ୍ଥିତ ନଥିଲେ ।