ପ୍ରିୟଙ୍କାଙ୍କୁ ନିଜ ଲକି ଚାର୍ମ ମାନନ୍ତି ନିକ୍‌

ନୂଆଦିଲ୍ଲୀ: ପପ୍‌ଷ୍ଟାର ନିକ୍‌ ଜୋନାସ ଏବଂ ତାଙ୍କ ପତ୍ନୀ ତଥା ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କର ଏକ ପୁରୁଣା ଫଟୋ ସୋସିଆଲ୍‌ ମିଡିଆରେ ସେୟାର୍‌ କରିଛନ୍ତି। ଫଟୋରେ ନିକ ଏବଂ ପ୍ରିୟଙ୍କା କଳା ପୋଷାକରେ କ୍ୟାମେରା ଆଗରେ ପୋଜ୍ ଦେଉଥିବା ଦେଖିବାକୁ ମିଳିଛି।
ନିକ୍‌ ଇନଷ୍ଟାଗ୍ରାମରେ ହର୍ଟ-ଆଇର ଇମୋଜି ସହିତ ଲେଖିଛନ୍ତି, “ମୁଁ କେତେ ଭାଗ୍ୟବାନ। ହ୍ୟାସଟ୍ୟାଗ ଫ୍ଲାସବ୍ୟାକ୍।” ନିକ୍‌ଙ୍କ ଫଟୋରେ ପ୍ରିୟଙ୍କା ମଧ୍ୟ ଖୁବ୍‌ ସୁନ୍ଦର ମନ୍ତବ୍ୟ ଦେଇଛନ୍ତି। ସେ ଲେଖିଛନ୍ତି, “ମାଏ୍‌ ଲଭ୍‌। ମୁଁ ମଧ୍ୟ ସବୁଠାରୁ ଲକି”
ଏହାପୂର୍ବରୁ ମଧ୍ୟ ପ୍ରିୟଙ୍କା ନିକ୍‌ଙ୍କ ସହ ଏକ ଫଟୋ ସେୟାର କରିଥିଲେ ଯେଉଁଥିରେ ସେ କହିଥିଲେ ଯେ ନିକ୍‌ଙ୍କୁ ପାଇ ସେ ବହୁତ କୃତଜ୍ଞ। ଏହି ଫଟୋରେ ପ୍ରିୟଙ୍କା ନିକ୍‌ଙ୍କୁ ହାତ ଧରିଥିବାର ଦେଖିବାକୁ ମିଳିଥିଲା।