ନୂଆଦିଲ୍ଲୀ: କରୋନା ଭାଇରସର ଭୟ ଦିନକୁ ଦିନ ବଢ଼ିବାରେ ଲାଗିଛି । ସମଗ୍ର ବିଶ୍ୱରେ ନିଜର କାୟା ବିସ୍ତାର କରି ଚାଲିଛି ମାରାତ୍ମକ ଭୂତାଣୁ କରୋନା । ତେବେ ଭାରତରେ କରୋନା ଭାଇରସର ଦୁଇଟି ନୂଆ ମାମଲା ସାମ୍ନାକୁ ଆସିଛି । ଦିଲ୍ଲୀ ଏବଂ ତେଲଙ୍ଗାନାରେ କରୋନା ପଜିଟିଭ ରୋଗୀ ଚିହ୍ନଟ ହୋଇଛନ୍ତି ।
ତେବେ ଏହାକୁ ନେଇ ଦିଲ୍ଲୀ ନଏଡାର ଏକ ସ୍କୁଲରେ ଆତଙ୍କ ଖେଳିଯାଇଛି । ସ୍କୁଲରେ ପଢ଼ୁଥିବା ଜଣେ ପିଲା ଠାରେ କରୋନା ଭାଇରସର ଲକ୍ଷଣ ଦେଖାଦେଇଥିବା ଯୋଗଁ ସ୍କୁଲକୁ ୩ ଦିନ ଯାଏଁ ଛୁଟି ଘୋଷଣା କରିଛନ୍ତି ସ୍କୁଲ ପ୍ରଶାସନ ।
ସେପଟେ ଖବର ପାଇ ସ୍ୱାସ୍ଥ୍ୟ ବିଭାର ଏକ ଟିମ୍ ସ୍କୁଲରେ ପହଂଚି ଦୁଇ ଜଣଙ୍କ ପିଲାଙ୍କ ରକ୍ତ ନମୁନା ସଂଗ୍ରହ କରି ଯାଂଚ ପାଇଁ ପଠାଇଛି । ସଂକ୍ରମିତ ସନ୍ଦେହ ଥିବା ପିଲାଟିର ବାପା କରୋନା ଭାଇରସରେ ପୀଡିତ ଥିବା ସୂଚନା ମିଳିଛି । ଗତ କିଛି ଦିନ ହେବ ପୀଡିତ ପିଲାର ବାପା ଇଟାଲୀରୁ ଫେରିଛନ୍ତି ।
Comments are closed.