କଟକ: କଟକର ମଧୁସୂଦନ ବ୍ରିଜ ଉପରୁ ମହାନଦୀକୁ ଜଣେ ମହିଳା ରବିବାର ଦିନ ଡେଇଁ ପଡିଥିଲା ବେଳେ ତାଙ୍କୁ ଉଦ୍ଧାର କରାଯାଇଛି ।
ସୂଚନାନୁଯାୟୀ, ସମ୍ପୃକ୍ତ ମହିଳା ଜଣକ ବ୍ରିଜ୍ ନିକଟରେ ଗାଡି ରଖି ନଦୀକୁ ଡେଉଁଥିବା ନେଇ ସ୍ଥାନୀୟ ଲୋକମାନେ ଦେଖିବାକୁ ପାଇଥିଲେ । ଯାହା ପରେ ସଙ୍ଗେସଙ୍ଗେ ପୋଲିସକୁ ଖବର ଦିଆଯାଇଥିଲା । କିଛି ମିନିଟ୍ ମଧ୍ୟରେ ସେମାନେ ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିଥିଲେ।
ତେବେ ତାଙ୍କର ବୟାନ ରେକର୍ଡ କରାଯିବା ପରେ ମହିଳାଙ୍କୁ ପରିବାର ବର୍ଗଙ୍କୁ ହସ୍ତାନ୍ତର କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ଆହୁରି ମଧ୍ୟ ସମ୍ପୃକ୍ତ ମହିଳା ଜଣକ ଓଲିଉଡ୍ ଅଭିନେତା ଅମ୍ଲାନ ଦାସଙ୍କ ଧର୍ମ ପତ୍ନୀ ବୋଲି ସୁତ୍ରରୁ ପ୍ରକାଶ । ଦୁହିଁଙ୍କର ବିବାହ ଚଳିତ ବର୍ଷ ଫେବୃଆରୀ ୭ ତାରିଖରେ ସମ୍ପନ୍ନ ହୋଇଥିଲା।
ସମ୍ପୃକ୍ତ ମହିଳାଙ୍କ ସ୍ବାମୀ ଥାନାରେ ପହଞ୍ଚିଥିବା ଜଣାପଡିଛି।