ଭୁବନେଶ୍ବର: ଆଜି ବିଧାନସଭା ମୌସୁମୀ ଅଧିବେଶନର ତୃତୀୟ ଦିନ । ଆଜି ବି ବିଭିନ୍ନ ପ୍ରସଙ୍ଗରେ ଗୃହରେ ସରଗରମ ଆଲୋଚନା ହେବ । ଗତକାଲି ଦିନ ତମାମ ହୁଲସ୍ତୁଲ ହୋଇଥିଲା ବିଧାନସଭା । ପ୍ରଶ୍ନକାଳ ଆରମ୍ଭ ରୁ ହିଁ ଗୃହରେ ପ୍ରବଳ ହଟ୍ଟଗୋଳ ହୋଇଥିଲା । ଫଳରେ ଗୃହକୁ ମୁଲତବୀ ରଖାଯାଇଥିଲା । ବିଜେପି ସଦସ୍ୟ ମାନେ ଗୃହରେ ଫାଇଭ୍-ଟି ସଚିବଙ୍କ ଗସ୍ତ ସମ୍ପର୍କରେ ପ୍ରସଙ୍ଗ ଉଠାଇ ନାରାବାଜି କରିଥିବାବେଳେ ବିଜେଡି ସଦସ୍ୟମାନେ କେନ୍ଦ୍ରୀୟ ଅବହେଳାର ପ୍ରସଙ୍ଗ ଉଠାଇଥିଲେ ।
ସେପଟେ ଗତକାଲି ବିଧାନସଭାରେ ଓଡ଼ିଶା ଆପାର୍ଟମେଣ୍ଟ ଓନରସିପ ଆଣ୍ଡ ମ୍ୟାନେଜମେଣ୍ଟ ବିଲ ଆଗତ ହୋଇଛି । ଯାହାଦ୍ବାରା ଆପାର୍ଟମେଣ୍ଟ କ୍ରେତା ମାନେ ଲାଗବାନ ହୋଇପାରିବେ । କ୍ରେତାମାନେ ଆପାର୍ଟମେଣ୍ଟର ସ୍ବତନ୍ତ୍ର ମାଲିକାନା ଏବଂ ଅଧିକାର ପାଇବେ । ବିଲ୍ଡର ମାନେ ଆଉ ମନମାନୀ କରିପାରିବେ ନାହିଁ । ପ୍ରମୋଟର ମାନେ ଆପାର୍ଟମେଣ୍ଟ କିଣୁଥିବା ବ୍ୟକ୍ତିଙ୍କୁ ରେଜିଷ୍ଟ୍ରେସନ ଦେବେ। ଯଦି କୌଣସି ପ୍ରକାର ବେନିୟମ କିମ୍ବା ଅସାଧୁ କାର୍ଯ୍ୟ ହେବ , ତେବେ ପ୍ରମୋଟରଙ୍କୁ ଏଥିଲାଗି ୫ ଲକ୍ଷ ଟଙ୍କାର ଜରିମାନା ଦେବାକୁ ପଡିବ ।