ଭୁବନେଶ୍ୱର: ରାଜ୍ୟରେ ତୃତୀୟ କରୋନାଭାଇରସ୍ ସଂକ୍ରମିତ ରୋଗୀଙ୍କ ସଂସ୍ପର୍ଶରେ ଓଡିଶା ବିଧାନସଭା କର୍ମକର୍ତ୍ତା ଆସିଥିବାରୁ ସମସ୍ତଙ୍କୁ କ୍ୱାରେଣ୍ଟାଇନରେ ରଖାଯିବ ବୋଲି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର କହିଛନ୍ତି।
ଶୁକ୍ରବାର ଦିନ ଗଣମାଧ୍ୟମକୁ ସୂଚନା ଦେଇ ବାଚସ୍ପତି କହିଛନ୍ତି, ଉକ୍ତ ବିଲ୍ଡିଂକୁ ସଫାସୁତୁରା ତଥା ସାନିଟାଇଜ କରାଯିବ । ଯାହାଫଳରେ ବିଧାନସଭା ଅଧିବେଶନ ଲୋକ ସେବା ଭବନରେ ଅନୁଷ୍ଠିତ ହେବ ।
ଓଡିଶାରେ ତୃତୀୟ କରୋନାଭାଇରସ୍ ସଂକ୍ରମିତ ରୋଗୀଙ୍କୁ ଚିହ୍ନଟ କରାଯିବା ପରେ ଗୁରୁବାର ସନ୍ଧ୍ୟାରେ ରାଜ୍ୟ ସରକାର ନୂତନ ରୋଗୀଙ୍କ ଟ୍ରାଭେଲ ଇତିହାସକୁ ଦୃଷ୍ଟିରେ ରଖି ୟୁନିଟ୍ ୪ରେ କର କ୍ଲିନିକ୍ ନଯିବାକୁ ଲୋକଙ୍କୁ ଅନୁରୋଧ କରିଥିଲେ।
ଅଧିକ ପଢନ୍ତୁ: ଭୁବନେଶ୍ୱରରେ ଆଉ ଜଣେ କରୋନା ପଜିଟିଭ ଚିହ୍ନଟ, ଓଡିଶାରେ ଆକ୍ରାନ୍ତଙ୍କ ସଂଖ୍ୟା ୩ ଛୁଇଁଲା
ସରକାରୀ ସୂତ୍ର ଅନୁଯାୟୀ, ଭୁବନେଶ୍ୱରର ସହିଦ ନଗରର ଜଣେ ୬୦ ବର୍ଷ ବୟସ୍କ ବ୍ୟକ୍ତି ମାରାତ୍ମକ କରୋନାଭାଇରସ ଦ୍ୱାରା ସଂକ୍ରମିତ ହୋଇ କ୍ୟାପିଟାଲ ହସ୍ପିଟାଲର ଆଇସୋଲେସନ ୱାର୍ଡରେ ଭର୍ତ୍ତି ହୋଇଛନ୍ତି। ଗତକାଲି ରାତିରେ ତାଙ୍କର ସ୍ୱାବ ନମୁନା ରିପୋର୍ଟ ପଜିଟିଭ୍ ବାହାରିଥିଲା।