ଯଦି କେହିି ହୃଦୟରେ ନିଜକୁ ଯୁବକ ବୋଲି ଅନୁଭବ କରନ୍ତି, ଯେତେ ବୟସ୍କ ହୁଅନ୍ତୁ ନା କାହିଁକି ସେ ସବୁବେଳେ ଯୁବକ ହିଁ ରହିବେ । ଯଦି ଆପଣ ଏହାକୁ ବିଶ୍ୱାସ କରୁନାହାଁନ୍ତି, ତେବେ ଏବେ ଭାଇରାଲ ହେଉଥିବା ଏକ ଭିଡିଓ ଦେଖିଲେ ଠିକ୍ ବୁଝିପାରିବେ । ଜଣେ ବୃଦ୍ଧା ଏପରି ଡ଼୍ୟାନ୍ସ କରୁଛନ୍ତି ଯେ, ଲୋକେ ଦେଖି ଚକିତ ।
ଯେଉଁ ବୟସରେ ଜଣେ ବୃଦ୍ଧା ଶଯ୍ୟାରେ ବିଶ୍ରାମ ନେବା କଥା, ସେ ସମୟରେ ସର୍ବସାଧାରଣ ସ୍ଥାନରେ ପୁଣି ସମସ୍ତଙ୍କ ଆଗରେ ଡ଼୍ୟାନ୍ସ କରିବା କିଛି କମ୍ କଥା ନୁହେଁ । ଏଠାରେ କେବଳ ବୟସ୍କା ମହିଳାମାନେ ଡ଼୍ୟାନ୍ସ କରୁଥିବାର ଦେଖିବାକୁ ମିଳିଛି । ଆଉ ଏଇ ଜେଜେମାଙ୍କ ଡ଼୍ୟାନ୍ସ ଦେଖିଲେ ମଜା ନେବା ସହ ହସି ହସି ଗଡି ବି ଯିବେ । ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି ଯେ, ଜଣେ ୮୦ ବର୍ଷ ବୟସ୍କା ବୃଦ୍ଧା ମିନି ସ୍କର୍ଟ ଏବଂ ଟପ୍ ପରିଧାନ କରି ଡ଼୍ୟାନ୍ସ କରୁଛନ୍ତି । ଆଉ କାନ୍ଧରେ ଏକ ବ୍ୟାଗ୍ ମଧ୍ୟ ପକାଇଛନ୍ତି । ସେ ମନଖୋଲି ସମସ୍ତଙ୍କ ସାମ୍ନାରେ ନୃତ୍ୟ କରୁଥିବା ଦେଖିବାକୁ ମିଳିଛି ।
ଏହି ଭିଡିଓ ୫ ଦିନ ପୂର୍ବରୁ ସେୟାର କରାଯାଇଛି ଏବଂ ଏହାକୁ ଏବେ ସୁଦ୍ଧା ୧୪.୮ ମିଲିୟନ ଅର୍ଥାତ୍ ୧.୪ କୋଟିରୁ ଅଧିକ ଲୋକ ଦେଖିସାରିଲେଣି । ଏହି ଭିଡିଓକୁ ଅନେକ ଲୋକ ପସନ୍ଦ କରିବା ସହ ବୃଦ୍ଧାଙ୍କ ଆତ୍ମବିଶ୍ୱାସକୁ ଧନ୍ୟବାଦ ଦେଇଛନ୍ତି ।
