ନୂଆଦିଲ୍ଲୀ : ଆମେ ସାଧାରଣତଃ କୌଣସି ଯନ୍ତ୍ରଣାରୁ ମୁକ୍ତି ପାଇବା ପାଇଁ ପେନକିଲର୍ ଖାଇଥାଉ । କିନ୍ତୁ କୌଣସି ଡାକ୍ତରଙ୍କ ପରାମର୍ଶ ନେଇନଥାଉ । କିନ୍ତୁ ଆପଣ ମାନେ ଜାଣନ୍ତି କି ଏହା ଆମ ଶରୀର ପାଇଁ କେତେ ସୁରକ୍ଷିତ । ଗତକାଲି ପେନକିଲର ବାବଦରେ ଏକ ଚେତାବନୀ ଦେଇଛନ୍ତି ଭାରତୀୟ ଫାର୍ମାକୋପିୟା ଆୟୋଗ । ଆମେ ବେଶୀ କରି ମେଫଟାଲକୁ ପେନକିଲର ହିସାବରେ ବ୍ୟବହାର କରୁ । କିନ୍ତୁ ଆୟୋଗଙ୍କ କହିବା ଅନୁଯାୟୀ ଏଥିରେ ବ୍ୟବହୃତ ମେଫେନାମିକ ଏସିଡ୍ ଗୁରୁତର ପାର୍ଶ୍ବ ପ୍ରତିକ୍ରିୟା ସୃଷ୍ଟି କରିପାରେ ।
ଇସନଫିଲିଆ ଏବଂ ସିଷ୍ଟମମେଟିକ୍ ଲକ୍ଷଣ ସିଣ୍ଡ୍ରୋମ ପ୍ରତିକ୍ରିୟା ସୃଷ୍ଟି କରିପାରେ । ଯନ୍ତ୍ରଣାରୁ ମୁକ୍ତି ପାଇବା ପାଇଁ ଖାଉଥିବା ଏହି ଓୗଷଧ ଆମ ପାଇଁ ଯନ୍ତ୍ରଣାଦାୟକ ପରିସ୍ଥିତି ସୃଷ୍ଟି କରେ । ମେଫେନାମିକ୍ ଏସିଡ୍ ଆଥ୍ରାଇଟିସ୍ , ଅଷ୍ଟିଓ ଆଥ୍ରାଇଟିସ୍ , ଯନ୍ତ୍ରଣା, ଜ୍ବର ଏବଂ ଦାନ୍ତ ଯନ୍ତ୍ରଣା ପାଇଁ ଏହି ଏସିଡ୍ ବ୍ୟବହୃତ ହୁଏ । ଏହି ଔଷଧ ବହୁ ପୂର୍ବରୁ ଜଣାଶୁଣା । କିନ୍ତୁ ଏହାକୁ ସୀମିତ ମାତ୍ରାରେ ରୋଗୀଙ୍କୁ ବ୍ୟବହାର କରିବାକୁ ଦିଆଯିବା ଆବଶ୍ୟକ ।
ଅନେକ ଡାକ୍ତରଙ୍କ ମତରେ ଔଷଧର ପ୍ରତିକ୍ରିୟା ରୋଗୀଙ୍କ ଉପରେ ନିର୍ଭର କରେ । କିନ୍ତୁ ପ୍ରକୃତ ସମସ୍ୟା ହେଉଛି ଏହାର ମାତ୍ରାଧିକ ବ୍ୟବହାର । dress ସିଣ୍ଡ୍ରୋମ୍ ଏକ ଆଲର୍ଜି ପ୍ରତିକ୍ରିୟା । ଯାହା ପ୍ରାୟ ୧୦ ପ୍ରତିଶତ ଲୋକଙ୍କୁ ପ୍ରଭାବିତ କରିଥାଏ । ଏହା ଜ୍ବର , ଚର୍ମରେ ନାଲି ନାଲି ଦାଗ, ଲିମ୍ପେଡୋନିପାଥି ଭଳି ସମସ୍ୟା ସୃଷ୍ଟି କରିଥାଏ । ଏହା ଓୗଷଧ ବ୍ୟବହାର କରିବାର ଦୁଇରୁ ଆଠ ସପ୍ତାହ ମଧ୍ୟରେ ଦେଖାଦେଇଥାଏ । ତେଣୁ ଏହି ଜଟିଳ ପ୍ରତିକ୍ରିୟାକୁ ରୋକିବା ପାଇଁ ଓୗଷଧର ବ୍ୟବହାରରେ ସଚେତନତା ନିହାତି ଆବଶ୍ୟକ ।