କାଲିଠୁ ମହାରାଷ୍ଟ୍ରରେ କୋଭିଡ୍ କଟକଣା ଭିତରେ ଖୋଲିବ ଧାର୍ମିକ ସ୍ଥଳୀ

ମୁମ୍ବାଇ: ଆସନ୍ତାକାଲିଠୁ ମହାରାଷ୍ଟ୍ରରେ ଖୋଲିବ ମନ୍ଦିର । କୋଭିଡ୍ କଟକଣା ଭିତରେ ମନ୍ଦିର ଖୋଳିବା ନେଇ ଅନୁମତି ଦେଇଛନ୍ତି ସରକାର । ଦୀପାବଳି ରାତିରେ ଏହି ନିଷ୍ପତ୍ତି ନେଇଥିଲେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ । ସର୍ତ୍ତ ସହ ଧର୍ମାନୁଷ୍ଠାନ ଖୋଲିବାକୁ ଅନୁମତି ଦିଆଯାଇଛି । କରୋନାକୁ ଦୃଷ୍ଟିରେ ରଖି ଗତ ମାର୍ଚ୍ଚ ମାସରୁ ବନ୍ଦ ରହିଛି ଧାର୍ମିକ ସ୍ଥଳୀ ।
ମନ୍ଦିର ଖୋଲିବା ନେଇ ଗାଇଡଲାଇନ୍
– ୬୫ ବର୍ଷରୁ ଅଧିକ ବୟସ୍କ, ଗର୍ଭବତୀ, ୧୦ ବର୍ଷରୁ କମ୍ ବୟସକ ଶିଶୁଙ୍କୁ ନଆସିବାକୁ ପରାମର୍ଶ
– ଧାର୍ମିକ ସ୍ଥଳୀ ଭିତରେ ଦୁଇ ଜଣଙ୍କ ଭିତରେ ଛଅ ଫୁଟ ଦୂରତା ରହିବ
– ସମସ୍ତେ ମାସ୍କ ପିନ୍ଧିବା ବାଧ୍ୟତାମୂଳକ
– ପ୍ରବେଶ ପଥରେ ଥର୍ମାଲ ସ୍କ୍ରିନିଂ କରାଯିବ, ଦିଆଯିବ ସାନିଟାଇଜର୍
– ମନ୍ଦିରରେ ଯେପରି ଅଧିକ ଗହଳି ନହେବ ସେନେଇ ନଜର ରଖାଯିବ
– ଅଡିଓ ଓ ଭିଡିଓ ମାଧ୍ୟମରେ ଭକ୍ତଙ୍କୁ କୋଭିଡ୍ ଗାଇଡଲାଇନ ସମ୍ପର୍କରେ ସୂଚନା ପ୍ରଦାନ
– ହାତ ଧୋଇବା ବ୍ୟବସ୍ଥା କରାଯିବ
– ସମସ୍ତେ ମୋବାଇଲ ଫୋନରେ ଡାଉନଲୋଡ୍ କରିବେ ଆରୋଗ୍ୟ ସେତୁ ଆପ୍
– ସାର୍ବଜନିକ ସ୍ଥାନରେ ଛେପ ପକାଇବା ମନା
– ମନ୍ଦିର ଭିଚରେ ପ୍ରବେଶ ଓ ପ୍ରସ୍ଥାନ ରାସ୍ତା ଅଲଗା ଅଲଗା ହେବ