ପୁରୀ:ମହାନ ବୈଜ୍ଞାନିକମାନଙ୍କ ଅତୁଳନୀୟ ଅବଦାନ ଯୋଗୁ ଆମ ଜୀବନ ଏବଂ ଚଳଣି ସହଜ ହେଉଛି । ତେବେ ଏଥିଯୋଗୁ କେତେକ ମହାନ ବୈଜ୍ଞାନିକଙ୍କ ପ୍ରାଣ ମଧ୍ୟ ଯାଇଛି । ଆସନ୍ତୁ ଜାଣିବା ମହାନ ଆବିଷ୍କାରକଙ୍କ ଜୀବନ କିପରି ତାଙ୍କ ଆବିଷ୍କାର ଯୋଗୁ ଯାଇଛି-
ୱିଲିୟମ ବୁଲକ: ଆମେରିକାର ୱିଲିୟମ ବୁଲକ ରୋଟରୀ ପ୍ରିଟିଂ ପ୍ରେସର ଜନକ କହିଲେ ଭୁଲ ହେବନି । ସେ ପ୍ରିଟିଂ ଇଣ୍ଡଷ୍ଟ୍ରିରେ କ୍ରାନ୍ତି ଆଣିଥିଲେ କହିଲେ ଭୁଲ ହେବନି । ସବୁଠାରୁ ଦୁଃଖର କଥା ନିଜ ତିଆରି ପ୍ରିଟିଂ ପ୍ରେସର ତ୍ରୁଟି ସୁଧାରିବା ବେଳେ ସେଥିରେ ଚାପି ହୋଇ ତାଙ୍କ ପ୍ରାଣ ଯାଇଥିଲା ।
ମେରୀ କ୍ୟୁରୀ:ରେଡିୟମ ଓ ପୋଲାନିୟମ ନାମକ ତତ୍ୱ ଖୋଜି ବାହାର କରି ସାରା ବିଶ୍ୱରେ ଚର୍ଚ୍ଚିତ ହୋଇ ପଡିଥିଲେ ମେରୀ କ୍ୟୁରୀ । ଏହାର ଅନୁସନ୍ଧାନ ବେଳେ ରେଡିଓ ଆକ୍ଟିଭ ସଂସ୍ପର୍ଶରେ ଆସି ସେ ରୋଗଗ୍ରସ୍ତ ହୋଇ ପଡିଥିଲେ । ଯାହାର କାରଣ ଯୋଗୁ ତାଙ୍କ ମୃତ୍ୟୁ ହୋଇଥିଲା ।
ଫ୍ରାଂଜ ରିଚଲ୍ଟେ: ଅଷ୍ଟ୍ରିଆର ଫ୍ରାଂଜ ରିଚଲ୍ଟେଙ୍କୁ ଆଧୁନିକ ୱିଙ୍ଗସୁଟର ଜନକ ବୋଲି କୁହାଯାଏ । ଏହାର ସଫଳ ପରୀକ୍ଷଣ ପାଇଁ ସେ ପ୍ୟାରିସର ଏଫିଲ ଟାୱାରରୁ ଡେଇଁଥିଲେ । ମାତ୍ର ଏହା ଠିକ୍ ଭାବେ କାମ ନ କରିବାରୁ ସେ ମୃତ୍ୟୁବରଣ କରିଥିଲେ ।
ହେନେରୀ ସ୍ମୋଲିସ୍କି: ୧୯୭୩ରେ ହେନେରୀ ସ୍ମୋଲିସ୍କି ଉଡନ୍ତା କାର ନିର୍ମାଣ କରିଥିଲେ । ଟେଷ୍ଟ କରିବା ପାଇଁ ସେ ନିଜ ଫ୍ଲାଇଙ୍ଗ କାର ବସି ଉଡାଇଥିଲେ ତାହା ଦୁର୍ଘଟଣାଗ୍ରସ୍ତ ହୋଇ ପଡିଥିଲା ଏବଂ ଏଥିରେ ତାଙ୍କ ପ୍ରାଣ ମଧ୍ୟ ଯାଇଥିଲା ।
ହ୍ୟାରିସ ଲସନ ହେନଲୀ: ଆମେରିକାରେ ଜନ୍ମିତ ହ୍ୟାରିଶ ଲସନ ନେଲୀ ହାତରେ ଚଳା ଯାଇପାରୁଥିବା ବୁଡା ଜାହାଜ ତିଆରି କରିଥିଲେ । ଏହାକୁ ଗଭୀର ସମୁଦ୍ରରେ ପରୀକ୍ଷା କରୁଥିବା ବେଳେ ସେ ତାଙ୍କ କ୍ରୁ ମେମ୍ବର୍ସ ସହ ବୁଡି ଯାଇଥିଲେ ।
