ନୂଆଦିଲ୍ଲୀ: ଗତ ବର୍ଷ ସମସ୍ତ ଘରୋଇ ଟେଲିକମ୍ କମ୍ପାନୀ ସେମାନଙ୍କର ପ୍ରିପେଡ୍ ଏବଂ ପୋଷ୍ଟପେଡ୍ ଯୋଜନା ସିମର ରିଚାର୍ଜ ପ୍ୟାକ ମୂଲ୍ୟ ବୃଦ୍ଧି କରିଥିଲେ। ସେବେଠାରୁ ସାଧାରଣ ଲୋକଙ୍କ ପାଇଁ ଗୋଟିଏରୁ ଅଧିକ ସିମ୍ ଚଲାଇବା ଅତ୍ୟନ୍ତ କଷ୍ଟକର ହୋଇପଡିଛି। କିନ୍ତୁ ଏବେର ରିପୋର୍ଟ ଅନୁୟାୟୀ ଏବେ ସିମ୍ ଚାଲୁ ରଖିବାକୁ ୨୦ ଟଙ୍କାରୁ କମ୍ ରିଚାର୍ଜ କରିବାକୁ ହେବ । କିନ୍ତୁ ଏହାର ବୈଧତା ୩୦ ଦିନରେ ଶେଷ ହେବ।
ସରକାରୀ ଟେଲିକମ କମ୍ପାନୀ ବିଏସଏନଲ ଘୋଷଣା କରିଛି ଯେ ଆପଣଙ୍କୁ ସିମକୁ ୨୦ ଟଙ୍କାରେ ଆକ୍ଟିଭ ରଖିପାରିବେ। ଏହାର ବୈଧତା ୩୦ ଦିନ ରହିବ। ତେବେ ଜିଓ, ଏୟାରଟେଲ ଏବଂ ଭୋଡାଫୋନ୍-ଆଇଡିଆ ଏପରି ସ୍କିମର ଲାଭ ଦେବାକୁ ୫୦ ଟଙ୍କିଆ ପ୍ଲାନ ଆଣିଛନ୍ତି।
ବିଏସଏନଏଲ ଏପରି ସ୍କିମର ଯୋଜନାର ମୂଲ୍ୟ ୧୯ ଟଙ୍କା ରଖିଛି। ଏପରି ରିଚାର୍ଜର ବୈଧତା ୩୦ ଦିନ ରହିଛି। ଏହି ଯୋଜନାଟି କମ୍ପାନୀର ଭଏସ୍ ରେଟ୍ କଟର୍ ୧୯ ଦ୍ୱାରା ଜଣାଶୁଣା। ଏଥିରେ ଅନ୍-ନେଟ୍ ଏବଂ ଅଫ୍-ନେଟ୍ କଲ୍ ହାର ପ୍ରତି ମିନିଟରେ ୨୦ ପଇସା ରଖାଯାଇଛି। ଏହାର ଅର୍ଥ ହେଉଛି ଆପଣ ମଧ୍ୟ କାହାର କଲ୍ ଗ୍ରହଣ କରିବାକୁ ଏବଂ ଅନ୍ୟ ସେବାଗୁଡିକର ଲାଭ ଉଠାଇବାକୁ ସକ୍ଷମ ହେବେ। ଯଦିଓ ଗ୍ରାହକଙ୍କ ମୋବାଇଲ୍ ନମ୍ବରରେ ଅନ୍ୟ କୌଣସି ଡାଟା ଯୋଜନା କିମ୍ବା ବାଲାନ୍ସ ମିଳିବ ନାହିଁ।
ତେବେ ଦେଶରେ ବିଏସଏନଏଲ ଏବେ ବି କେବଳ ଥ୍ରୀଜି ସେବା ଦେଉଛି। ଖୁବଶୀଘ୍ର ଅନ୍ୟ ଟେଲିକମ୍ କମ୍ପାନୀ ଭଳି ଫର ଜି ନେଟୱର୍କ ସଂଯୋଗ କରିବ ବୋଲି କହିଛି।
