କରୋନା: ପଞ୍ଜାବରେ ଅନିର୍ଦ୍ଧିଷ୍ଟ କାଳ ପାଇଁ କର୍ଫ୍ୟୁ

ଚଣ୍ଡିଗଡ: ପଂଜାବରେ ଫେଲ୍ ମାରିଲା ଲକ ଡାଉନ ବ୍ୟବସ୍ଥା । ଲାଗୁ ହେଲା କର୍ଫ୍ୟୁ । କରୋନା ଭାଇରସର ମୁକାବିଲା ପାଇଁ ପଂଜାବ ସରକାର ସୋମବାରଠାରୁ ରାଜ୍ୟରେ କର୍ଫ୍ୟୁ ଲାଗୁ କରିଛନ୍ତି । ଦେଶର ପ୍ରଥମ ରାଜ୍ୟ ଭାବେ ପଂଜାବ ଏହି କର୍ଫ୍ୟୁ ଲାଗୁ କରିଛି ।
କରୋନା ଭାଇରସ ସହ ଲଢିବା ପାଇଁ ଦେଶର କିଛି ରାଜ୍ୟକୁ ଆସନ୍ତା ୩୧ ତାରିଖ ପର‌୍ୟ୍ୟନ୍ତ ଲକ୍ ଡାଉନ୍ ଘୋଷଣା କରାଯାଇଥିଲା। ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ମଧ୍ୟ ସାରା ରାଜ୍ୟକୁ ସୋମବାରଠାରୁ ଲକ୍‌ଡାଉନ୍ ଘୋଷଣା କରିଥିଲେ। ହେଲେ ସୋମବାର ଏହା ସମ୍ପୂର୍ଣ୍ଣ ଭାବେ ଫେଲ୍ ମାରିଛି। ଲୋକେ ନିୟମ ନମାନି ଏଣେ ତେଣେ ବୁଲିଥିଲେ । ଏହାକୁ ଦେଖି ପଞ୍ଜାବ ସରକାର ରାଜ୍ୟରେ ଅନିର୍ଦ୍ଦିଷ୍ଟ କାଳ ପାଇଁ କର୍ଫ୍ୟୁ ଜାରି କରିଛନ୍ତି।