ଭରତପୁର: ଭରତପୁରର ପସୋପା ଅଂଚଳରେ ଚାଲିଥିବା ଅବୈଧ ଖନନକୁ ଦୀର୍ଘ ଦିନ ଧରି ସାଧୁମାନେ ବିରୋଧ କରି ଆସୁଛନ୍ତି । ୨୦ ଜୁଲାଇରେ ସନ୍ଥ ବିଜୟ ଦାସ ଏହାକୁ ବିରୋଧ କରି ନିଜ ଦେହରେ ନିଆଁ ଲଗାଇ ଦେଇଥିଲେ । ନିଆଁ ଲାଗିଲା ବେଳେ ସେ ରାଧେ ରାଧେ କରି ଦୌଡୁଥିଲେ । ତାଙ୍କ ଦେହରୁ ନିଆଁ ଲିଭାଯାଇ ଡାକ୍ତରଖାନାରେ ଭର୍ତି କରାଯାଇଥିଲା । ତେବେ ଶୁକ୍ରବାର ବିଳମ୍ବିତ ରାତିରେ ତାଙ୍କ ମୃତ୍ୟୁ ଘଟିଛି । ପୁଅ ଏବଂ ବୋହୂଙ୍କ ମୃତ୍ୟୁ ପରେ ସେ ବରସାନା ମାନ ମନ୍ଦିରକୁ ପଳାଇ ଆସି ରହୁଥିଲେ । ତାଙ୍କୁ ପଶୁପତି ନାଥ ମନ୍ଦିରର ମହନ୍ତ କରାଯାଇଥିଲା । ବିଜୟଙ୍କର ଜଣେ ନାତୁଣୀ ଅଛନ୍ତି । ସେ ଶେଷ ଦର୍ଶନ କରିବା ପରେ ତାଙ୍କର ଅନ୍ତିମ ସଂସ୍କାର କରାଯିବ । ପାଖାପାଖି ୫୦୦ ଦିନ ହେବ ଏହି ଆନ୍ଦୋଳନ ଚାଲିଛି । ଜଣେ ସାଧୁ ଏବେ ବି ମୋବାଇଲ ଟାୱାରରେ ବସି ରହିଛନ୍ତି । ଅନ୍ୟ ସାଧୁମାନେ ପସୋପାରେ ତାଙ୍କ ଅନ୍ତିମ ସଂସ୍କାର କରିବା ପାଇଁ ଜିଦ ଧରିଥିଲେ, ଶେଷରେ ପ୍ରଶାସନ ପକ୍ଷରୁ ବହୁ ବୁଝା ଶୁଝା ପରେ ବରସାନାରେ ସେମାନେ ଅନ୍ତିମ ସଂସ୍କାର କରିବା ପାଇଁ ରାଜି ହୋଇଛନ୍ତି ।
Comments are closed.