ନୂଆଦିଲ୍ଲୀ: ନିକଟରେ ବଲିଉଡ୍ ଅଭିନେତ୍ରୀ ରବୀନା ଟଣ୍ଡନଙ୍କ ଅଭିନୀତ ଆଗାମୀ ଚଳଚ୍ଚିତ୍ର କେଜିଏଫ୍ ୨ ର ଟିଜରରେ ତାଙ୍କୁ ଦମ୍ଦାର୍ ଲୁକ୍ରେ ଦେଖିବାକୁ ମିଳିଛି। ତାଙ୍କୁ ଏହି ଲୁକରେ ଦେଖି ତାଙ୍କ ପ୍ରଶଂସକମାନେ ବହୁତ ଉତ୍ସାହିତ ମଧ୍ୟ ଅଛନ୍ତି। ସମ୍ପ୍ରତି ରବୀନା ତାଙ୍କ ବ୍ୟସ୍ତବହୁଳ କାର୍ଯ୍ୟସୂଚୀରୁ କିଛି ସମୟ ନେଇ ଛୁଟିଦିନ ପାଇଁ ହିମାଚଳରେ ପହଞ୍ଚିଛନ୍ତି। ଯେଉଁଠାରୁ ସେ ତାଙ୍କ ପ୍ରଶଂସକଙ୍କ ପାଇଁ ତାଙ୍କର କିଛି ଫଟୋ ଏବଂ ଭିଡିଓ କ୍ଲିପ୍ ସେୟାର କରିଛନ୍ତି। ଯେଉଁଥିରେ ରବୀନା ବେଶ ମଉଜ କରୁଥିବା ଦେଖିବାକୁ ମିଳିଛି।
ତେବେ ଏହା ମଧ୍ୟରେ ରବୀନା ତାଙ୍କ କ୍ୟାରିୟରକୁ ନେଇ ଏକ ଆଶ୍ଚର୍ଯ୍ୟଜନକ ବୟାନ ଦେଇଛନ୍ତି। ନିକଟରେ ଏକ ସାକ୍ଷାତକାରରେ ତାଙ୍କ କ୍ୟାରିୟର ବିଷୟରେ କଥାବାର୍ତ୍ତା କରି ଅଭିନେତ୍ରୀ କହିଛନ୍ତି ଯେ ମୁଁ ମୋର କ୍ୟାରିୟର କରିବା ପାଇଁ ବହୁତ କଠିନ ପରିଶ୍ରମ କରିଛି କିନ୍ତୁ ମୁଁ ମୋ କ୍ୟାରିୟର ବିଷୟରେ ଟିକେ ବେପରୁଆ ଥିଲି। ଯାହା ମୋର କ୍ୟାରିୟର ଉପରେ ବହୁତ ପ୍ରଭାବ ପକାଇଥିଲା, କିନ୍ତୁ ମୁଁ ନିଜ ଉପରେ ଧ୍ୟାନ ଦେଇ କ୍ୟାରିୟର ଗଢ଼ିଛି। ଏକ ସମୟ ଥିଲା ଯେତେବେଳେ ମୁଁ କାମ ଖୋଜି ପାଇଲି ନାହିଁ କିନ୍ତୁ ମୁଁ ଏଥିରେ ଦୁଃଖିତ ନୁହେଁ, ମୋ ପାଇଁ ଜିନିଷ ବଦଳି ଯାଇଥିବାରୁ ମୁଁ ବହୁତ ଖୁସି ଅଟେ।