କାମାକ୍ଷାନଗର: ଧରାପଡିଲେ ରୋଡ ରୋମିଓ । ରାସ୍ତାରେ ଯାଉଥିବା ଯୁବତୀଙ୍କୁ ପ୍ରେମ ନିବେଦନ କରି ଫସିଲେ ଯୁବକ । କଲେଜ ଛାତ୍ରୀଙ୍କୁ ରାସ୍ତାରେ ଅଟକାଇ ପ୍ରେମ ନିବେଦନ କରିବା ଯୁବକଙ୍କ ପାଇଁ ମହଙ୍ଗା ପଡିଛି । ଯୁବତୀଙ୍କୁ ଅଟାଇବା ସମୟରେ ଧରାପଡି ଥାନାକୁ ଯାଇଛନ୍ତି । ଏଭଳି କିଛି ଘଟଣା ଘଟିଛି ପରଜଙ୍ଗ ଥାନା ୫୩ ନଂ ଜାତୀୟ ରାଜପଥ ରେ ଥିବା ପେଟ୍ରୋଲ ପମ୍ପ ନିକଟରେ । ପରଜଙ୍ଗ ପେଟ୍ରୋଲ ପମ୍ପ ନିକଟରେ ଜଣେ କଲେଜ ଛାତ୍ରୀ ରାସ୍ତାରେ ଯାଉଥିବା ବେଳେ ଏକ ବାଇକରେ ତିନି ଜଣ ଯୁବକ ଆସି ତାଙ୍କୁ ଅଟକାଇ ପ୍ରେମ ନିବେଦନ କରିଥିଲେ ।
ଛାତ୍ରୀ ଜଣଙ୍କ ରାଜି ନହେବାରୁ ଜଣେ ଯୁବକ ଉତକ୍ଷିପ୍ତ ହୋଇ ଉକ୍ତ ଛାତ୍ରୀଙ୍କୁ ମାଡ଼ ମାରିଥିଲେ । ଏବଂ ତୁରନ୍ତ ଘଟଣାସ୍ଥଳରୁ ଖସି ଯିବାକୁ ଉଦ୍ୟମ କରିବା ବେଳେ ସ୍ଥାନୀୟ ଲୋକଙ୍କ ହାତରେ ଧରାପଡିଛନ୍ତି । ଦୁଇଜଣଙ୍କ ଯୁବକଙ୍କୁ ଗ୍ରାମବାସୀମାନେ କାବୁ କରିଥିବାବେଳେ ଜଣେ ଯୁବକ ଖସି ପଳାଇଥିଲେ । ପରେ ପରଜଙ୍ଗ ପୋଲିସ ଘଟଣାସ୍ଥଳରେ ପହଞ୍ଚି ଦୁଇ ଜଣ ଯୁବକଙ୍କୁ ଗିରଫ କରିଛି । ତେବେ ଏହି ତିନି ଜଣ ଯୁବକ ଅନୁଗୁଳ ଜିଲ୍ଲା କଣିହାଁ ବ୍ଲକ ବିଜୁଗୋଳ ଗାଁର ବୋଲି ଜଣାପଡିଛି। ପରଜଙ୍ଗ ପୋଲିସ ଏ ନେଇ ଅଧିକ ତଦନ୍ତ ଜାରି ରଖିଛି ।