ଗଦାଧର ସାହୁ 
ଚୈତ୍ର ଚାଲିଗଲା
ବୈଶାଖ ଆସିଲା
ଧରି ନିଦାରୁଣ ପେଡି,
ପିଡା ପରେ ପିଡା
ପେଡିରୁ କାଢିକି
ଆମକୁ ଦେବ ଫୋପାଡି ।
ତତଲା ପବନ
ଝାଞ୍ଜି ବୁହାଇବ
ଦେହ ମୁହଁ ଦେବ ପୋଡି,
ଶରୀରେ ଆମରି
ଉତ୍ତାପ ବଢାଇ
ଅଂଶୁଘାତେ ଦେବ ମୋଡି ।
କାଳ ବଇଶାଖୀ
ଅକାଳେ ବହିବ
ପବନ ମେଘ ବିଜୁଳି,
ବଜ୍ରାଘାତ ହେବ
କରକା ପଡିବ
ଫସଲ ଯିବ ଉଜୁଡି ।
ଧନ ହାନି ହେବ
ପିଣ୍ଡୁ ପ୍ରାଣ ଯିବ
ହାହାକାର ଆସେ ମାଡି,
କାଳ କାଇଶାଖୀ
ନିଦାରୁଣ ସାକ୍ଷୀ
ନପାରିବେ କେହି ତଡି ।
ଦୋଷ ନାହିଁ ତାର
ଦୋଷ ହିଁ ଆମର
ପ୍ରକୃତି ସହିତ ଯୁଦ୍ଧ,
ବେଳୁ ସାବଧାନ
ନ ହୋଇଲେ ଧନ
ବୈଶାଖୀ କରିବ ବଦ୍ଧ ।
ବ୍ରହ୍ମଗିରି
Comments are closed.