ସମ୍ବଲପୁର: ବୁର୍ଲାସ୍ଥିତ ଜ୍ୟୋତି ବିହାରର ସମ୍ବଲପୁର ବିଶ୍ୱବିଦ୍ୟାଳୟକୁ ଜୁଲାଇ ୨୨ ତାରିଖରୁ ୩୧ ଯାଏଁ ବନ୍ଦ କରାଯାଇଛି । କରୋନା ଭାଇରସ୍ ବିସ୍ତାରକୁ ଦୃଷ୍ଟିରେ ରଖି ଜିଲ୍ଲାପାଳଙ୍କ ପକ୍ଷରୁ ଏଭଳି ନିଷ୍ପତ୍ତି ଗ୍ରହଣ କରାଯାଇଥିବା ସୂଚନା ମିଳିଛି ।
ଗତ ସୋମବାର ଦିନ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଏହି ବନ୍ଦକୁ ଏକ ସପ୍ତାହ ଯାଏଁ ବୃଦ୍ଧି କରିଥିଲେ।
ଏକ ବିଜ୍ଞପ୍ତି ଅନୁଯାୟୀ, ମୁଖ୍ୟ ଫାଟକ ବ୍ୟତୀତ ବିଶ୍ୱବିଦ୍ୟାଳୟର ସମସ୍ତ ପ୍ରବେଶ ଦ୍ୱାର ବନ୍ଦ ରହିବ। ଭାଇସ୍ ଚାନସେଲର(ଭିସି) ଏବଂ ରେଜିଷ୍ଟ୍ରାରଙ୍କୁ ସମସ୍ତ ନିୟମ ପାଳନ କରିବାକୁ ପରାମର୍ଶ ଦିଆଯାଇଥିଲା। ବିଶ୍ୱବିଦ୍ୟାଳୟରେ ଯେକୌଣସି ଜରୁରୀ କାର୍ଯ୍ୟକଳାପ ପାଇଁ ଅନୁମତି ଆବଶ୍ୟକ ହେବ ବୋଲି ଜଣାପଡିଛି।