ପ୍ରତିଭା ସାହୁ 
କଣ୍ଢେଇ ମୋ କଣ୍ଢେଇ
ଆଲୋ ମୋର କଣ୍ଢେଇ
ପିନ୍ଧେଇ ଦେବି ନୂଆ ଜାମା
ଚନ୍ଦନ ଟିପା ଲଗେଇ
ଆଲୋ ମୋର କଣ୍ଢେଇ ।
ଗଜରାମାଳ ଖୋସି ଦେବି
ମୁଣ୍ଡ ତୋର କୁଣ୍ଡାଇ
ପାଦକୁ ମାନିବ ସରୁ ପାଉଁଜି
ଦେବିଲୋ ତତେ ପିନ୍ଧାଇ
ଆଲୋ ମୋର କଣ୍ଢେଇ ।
ଗାଡ଼ିରେ ମୋର ବସେଇ ତତେ
ସହର ନେବି ଵୁଲେଇ
ଦେଖେଇ ଦେବି ଭଳିଭଳିକା
ତୋ ପରି କେତେ କଣ୍ଢେଇ।
ମିଛିମିଛିକା ବୋହୂ ସଜେଇ
ସୁନାଜରି ପାଟ ପିନ୍ଧାଇ
ବାହା ବେଦୀରେ ବର ସାଥିରେ
ଦେବି ଲୋ ତତେ ବସେଇ ।
ନୀଳ ଆକାଶର ଜହ୍ନ ମାମୁଁ ଦେଵି
ସଞ୍ଜରେ ନିତି ଦେଖାଇ
ଗୀତ କାହାଣୀ ଶୁଣାଇ ଦେବି
ମନ ପ୍ରାଣକୁ ରଞ୍ଜେଇ
ଆଲୋ ମୋର କଣ୍ଢେଇ ।
ବଇଣ୍ଡା, ଅନୁଗୋଳ
Comments are closed.