Latest Odisha News

ମାଟି ମା’ର ବକ୍ଷ ଚିରି ପୁଣି ବାହାରିଲା ବିଲୁପ୍ତ ସରସ୍ଵତୀ ନଦୀ, କପିଳମୁନି ସରୋବରରେ ମିଳିଲା ଦର୍ଶନ

ଜୟପୁର: କପିଳମୁନି ସରୋବରର ଇତିହାସ ହଜାର ହଜାର ବର୍ଷ ପୁରୁଣା । ଏହି ସରୋବର କୁରୁକ୍ଷେତ୍ର ବିକାଶ ବୋର୍ଡ ଅଧୀନରେ ଆସେ । ଏଠାରେ ନିର୍ମିତ ଏହି ସରୋବର ଜଳ ହଜାର ହଜାର ବର୍ଷ ହେବ କେବେ ଶୁଖିବାର ଦେଖିବାକୁ ମିଳିନାହିଁ । କୁହାଯାଏ ଯେ ଏହି ସରୋବରର ଇତିହାସ ମହାଭାରତ ଏବଂ ରାମାୟଣ ସମୟ ସହ ଜଡିତ । କୈଥଲରେ ଏପରି ଅନେକ ତୀର୍ଥସ୍ଥାନ ଅଛି, ଯାହା ଆମର ଇତିହାସକୁ ଆମ ସାମ୍ନାରେ ଦେଖାଇଥାଏ ।

କୁହାଯାଏ ଯେ, ଏହି ସରୋବର ଭିତରୁ ଏକ ଜଳଧାରା ବାହାରିଛି । ଯେଉଁଥିପାଇଁ ଏହି ସରୋବର କେବେ ହେଲେବି ଶୁଖେନାହିଁ । ଗତକାଲି କଲାୟତର ପ୍ରାଚୀନ କପିଳ ମୁନି ସରୋବରରେ ବିଲୁପ୍ତ ପବିତ୍ର ସରସ୍ୱତୀ ନଦୀର ପବିତ୍ର ଜଳଧାରା ଦେଖିବାକୁ ମିଳିଥିଲା। ସରୋବରର ତଳଭାଗରେ ଥିବା ଗୋଲାକାର ଗର୍ତ୍ତରେ ପ୍ରବାହିତ ଜଳ ନମୁନାରେ ପ୍ରଥମ ଥର ପାଇଁ ସରସ୍ୱତୀ ନଦୀର ଜଳ ଦେଖିବାକୁ ମିଳିଛି । ଏହାପରେ ବିଲୁପ୍ତ ସରସ୍ୱତୀ ନଦୀକୁ ଉପଯୋଗୀ କରିବା ପାଇଁ ସରସ୍ୱତୀ ବୋର୍ଡ ଦ୍ୱାରା ସେହି ତୀର୍ଥସ୍ଥାନରେ ଏକ ଘାଟ ନିର୍ମାଣ କରାଯିବ ବୋଲି କୁହାଯାଉଛି ।

କୁରୁକ୍ଷେତ୍ର ବିକାଶ ବୋର୍ଡ ସହଯୋଗରେ ହ୍ରଦରେ ଏକ କୂଅ ଖୋଳାଯିବ । ସରସ୍ୱତୀ ବୋର୍ଡର ଡେପୁଟି ଚେୟାରମ୍ୟାନ୍ ସରୋବରର ବିଭିନ୍ନ ସ୍ଥାନରୁ ବାହାରୁଥିବା ଜଳ ପ୍ରବାହର ଯାଞ୍ଚ ପାଇଁ ଏଠାରେ ପହଞ୍ଚି ବିଭିନ୍ନ ସ୍ଥାନରୁ ଜଳ ନମୁନା ସଂଗ୍ରହ କରିଛନ୍ତି । ନମୁନା ସଂଗ୍ରହ ପାଇଁ ଶବଦାହ ସ୍ଥଳ ନିକଟରେ ଥିବା ହ୍ରଦର ଏକ ଅଂଶରେ ୨୦ ଫୁଟ ଲମ୍ବର ସିଡ଼ି ଲଗାଯାଇଛି ।

ସୂଚନାଯୋଗ୍ୟ ଯେ, କପିଳମୁନି ତିର୍ଥ ସରୋବରରେ ONGC ଏବଂ ISRO ର ସହଯୋଗିତାରେ କୂଅ ଖୋଳାଯିବ । କହିରଖୁଛୁ ଯେ, ଗତ ୨୦୦୫ ମସିହାରେ ମଧ୍ୟ ଏହି ସରୋବରରୁ ସରସ୍ୱତୀର ଧାରା ପ୍ରବାହିତ ହୋଇଥିଲା । ସେଥିରୁ ଏହା ପ୍ରମାଣିତ ହୋଇଥିଲା ଯେ ସରସ୍ୱତୀ ନଦୀ ଯୁଗ ଯୁଗ ଧରି ଏଠାରେ ପ୍ରବାହିତ ହେଉଛି । ଏହା ପରେ, ୨୦୦୭ରେ ମଧ୍ୟ ଜଳଧାରା ଦେଖିବାକୁ ମିଳିଥିଲା ।

Leave A Reply

Your email address will not be published.