ୱାଶିଂଟନ: ପୃଥିବୀକୁ ଘେରି ରହିଥିବା ସମୁଦ୍ର ରହସ୍ୟରେ ଭରପୂର । ଏବେ ବୈଜ୍ଞାନିକମାନେ ମେକ୍ସିକୋ ନିକଟବର୍ତୀ ସମୁଦ୍ରରୁ ଏକ ଅଦ୍ଭୁତ ଜୀବର ସନ୍ଧାନ ପାଇଛନ୍ତି । ଏହା କୌଣସି ଏକ ଏଲିୟନ ପ୍ରଜାତିର ଅଂଶବିଶେଷ ପରି ଜଣାପଡୁଛି । ବୈଜ୍ଞାନିକମାନେ ଏହି ପ୍ରାଣୀର ନାମ ଡାର୍ଥ ଭାର୍ଡନ ନାମ ଦେଇଛନ୍ତି । ଷ୍ଟାର ୱାରସ ଫିଲ୍ମର ଏକ ଭିଲେନ ପରି ଏହା ଦେଖା ଯାଉଥିବାରୁ ଏପରି ନାମକରଣ କରାଯାଇଛି । ଏହି ଜୀବର ଶରୀର ଛଅ ଖଣ୍ଡ ସଦୃଶ ଏବେ ଅନେକ ଆଖି ଏଥିରେ ରହିଛି । ଜୀବର ଆକାର ୯୫୦ରୁ ୧୨୬୦ ମିଟର ମଧ୍ୟରେ ରହିଥାଏ । ସମୁଦ୍ର ମଧ୍ୟରୁ ଏହା ମିଳିଥିବାରୁ ଏହାର ଆକାର ବଡ ରହିଛି । ଆଇସପଡ ପ୍ରଜାତିର ଏହି ଜୀବର ନାମ ପ୍ରକୃତରେ ବାଥିନୋମିୟସ ୟୁକାଟେଦୋସିନ । ବୈଜ୍ଞାନିକମାନେ ଏ ପର୍ଯ୍ୟନ୍ତ ୨୦ ପ୍ରଜାତିଙ୍କୁ ଖୋଜି ପାଇଛନ୍ତ । ଝିଙ୍ଗ ଓ କଙ୍କଡା ଶ୍ରେଣୀର ଏହି ଜୀବ ପ୍ରଥମେ ୧୮୭୯ରେ ମିଳିଥିଲା । ପ୍ରଶାନ୍ତ ମହାସାଗର ମଧ୍ୟରୁ ମଧ୍ୟ ଏହି ରହସ୍ୟମୟ ଜୀବର ସନ୍ଧାନ ମିଳିଥିଲା । ଏହାର ଶରୀର କଂଟାରେ ଭରପୂର ଏବଂ ଏହା ଏହାର ଏକ ଲାଞ୍ଜ ସମୁଦ୍ର ତଳେ ଝୁଲି ରହିଥିଲା ।
Comments are closed.