କଂଗ୍ରେସରୁ ଇସ୍ତଫା ଦେଲେ ଗୌରବ ବଲ୍ଲଭ, କହିଲେ, ‘ମୁଁ ସନାତନ ବିରୋଧୀ ସ୍ଲୋଗାନ ଦେଇପାରିବି ନାହିଁ’
ନୂଆଦିଲ୍ଲୀ: କଂଗ୍ରେସକୁ ପୁଣି ଏକ ବଡ ଝଟ୍କା । ଇସ୍ତଫା ଦେଲେ ଦଳର ପ୍ରବକ୍ତା ଗୌରବ ବଲ୍ଲଭ । ସେ ଆଜି ସକାଳୁ ତାଙ୍କର ଇସ୍ତଫା ପତ୍ର କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ନିକଟକୁ ପଠାଇ ଦେଇଛନ୍ତି । ଦଳରେ ରହିବା କଷ୍ଟସାଧ୍ୟ କହି ଦଳରୁ ଇସ୍ତଫା ଦେଇଥିବା ଜଣାପଡିଛି ।
ଗୌରବ ବହ୍ଲବ ଏନେଇ ନିଜ ସୋସିଆଲ ମିଡିଆ ଆକାଉଣ୍ଟ ‘ଏକ୍ସ’ ରେ ନିଜ ଇସ୍ତଫା ପତ୍ରର ଏକ ଫଟୋ ସେୟାର କରିଛନ୍ତି । ସେ ଏକ ପୋଷ୍ଟ କରି ଲେଖିଛନ୍ତି ଯେ, ‘ମୁଁ ସନାତନ ବିରୋଧୀ ସ୍ଲୋଗାନ ଦେଇପାରିବି ନାହିଁ । ଦେଶର ସୃଷ୍ଟିକର୍ତ୍ତାଙ୍କୁ ସକାଳ ଓ ସନ୍ଧ୍ୟାରେ ଅପବ୍ୟବହାର କରିପାରିବି ନାହିଁ। ଏହି କାରଣରୁ ମୁଁ କଂଗ୍ରେସ ଦଳର ସମସ୍ତ ପଦବୀ ଏବଂ ପ୍ରାଥମିକ ସଦସ୍ୟତାରୁ ଇସ୍ତଫା ଦେଉଛି’।
कांग्रेस पार्टी आज जिस प्रकार से दिशाहीन होकर आगे बढ़ रही है,उसमें मैं ख़ुद को सहज महसूस नहीं कर पा रहा.मैं ना तो सनातन विरोधी नारे लगा सकता हूं और ना ही सुबह-शाम देश के वेल्थ क्रिएटर्स को गाली दे सकता.इसलिए मैं कांग्रेस पार्टी के सभी पदों व प्राथमिक सदस्यता से इस्तीफ़ा दे रहाहूं pic.twitter.com/Xp9nFO80I6
— Prof. Gourav Vallabh (@GouravVallabh) April 4, 2024
ଗୌରବ ଆହୁରି ମଧ୍ୟ ଲେଖିଛନ୍ତି ଯେ, ‘କଂଗ୍ରେସ ଦଳ ଦିଶା ହୀନ ଭାବେ ଆଗକୁ ବଢୁଛି ଏବଂ ମୁଁ ଏଥିରେ ନିଜକୁ ସହଜ ଅନୁଭବ କରୁନାହିଁ । ମୁଁ ଅତ୍ୟନ୍ତ ଭାବପ୍ରବଣ ଏବଂ ମୋ ହୃଦୟ ଭାଙ୍ଗିଛନ୍ତି । ମୁଁ ଆଜି ସମସ୍ତଙ୍କ ସମ୍ମୁଖରେ ମୋର ମତାମତ ଦେଉଛି, କାରଣ ମୁଁ ଅନୁଭବ କରୁଛି ଯେ ସତ୍ୟକୁ ଲୁଚାଇବା ମଧ୍ୟ ଏକ ଅପରାଧ। ଏଭଳି ପରିସ୍ଥିତିରେ ମୁଁ ଅପରାଧର ଅଂଶ ହେବାକୁ ଚାହେଁ ନାହିଁ’।
ଏହା ପୂର୍ବରୁ ବୁଧବାର କଂଗ୍ରେସ ଛାଡି ବିଜେପିରେ ସାମିଲ ହୋଇଛନ୍ତି ବକ୍ସର ବିଜେନ୍ଦର ସିଂ । ବିଜେନ୍ଦର ସିଂ ୨୦୧୯ ଲୋକସଭା ନିର୍ବାଚନ ପୂର୍ବରୁ କଂଗ୍ରେସରେ ଯୋଗ ଦେବା ସହ ନିର୍ବାଚନ ଲଢିଥିଲେ ।