ପୁରୀ: ପୁରୀର ଗାନ୍ଧୀ ସ୍ମୃତି ପୀଠରେ ଆଜି ଶହୀଦ ଜୟୀ ରାଜଗୁରୁଙ୍କ ଜୟନ୍ତୀ ପାଳନ କରାଯାଇଛି । ଏହି ଅବସରରେ ଶହୀଦ ଜୟୀ ରାଜଗୁରୁ ଫାଉଣ୍ଡେଶନ ଓଡିଶା ଚ୍ୟାପ୍ଟରର ଉଦଘାଟନ କରାଯାଇଥିଲା । ଶହୀଦ ଜୟୀ ରାଜଗୁରୁ ଫାଉଣ୍ଡେସନ ନୂଆଦିଲ୍ଲୀ ଓ ସର୍ବୋଦୟ ମେଳା କମିଟି ପୁରୀର ମିଳିତ ସହଯୋଗରେ ଏହାକୁ ଆୟୋଜିତ କରାଯାଇଥିଲା । ଏହି ଆଲୋଚନ ଚକ୍ରରେ ଜୟୀ ରାଜଗୁରୁଙ୍କ ଅଦମ୍ୟ ସାହସ ଏବଂ ଦେଶପ୍ରେମ ସମ୍ପର୍କରେ ସ୍ମୃତି ଚାରଣ କରାଯାଇଥିଲା । ଏଥିରେ ଓଡିଶା ରାଜ୍ୟ ସଭାପତି ମାନସ ରଂଜନ ମହାପାତ୍ର ସଭାପତିତ୍ୱ କରିଥିଲେ । ପୁରୀ ବିଧାୟକ ଜୟନ୍ତ କୁମାର ଷଡଙ୍ଗୀ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ ।
ସେହିପରି ମୁଖ୍ୟବକ୍ତା ଦାୟିତ୍ୱ ତୁଲାଇଥିଲେ ଉମା ବଲ୍ଲବ ମହାପାତ୍ର । ଗିରିଜା ଶଙ୍କର ପାଢ଼ୀ, ଉମାକାନ୍ତ ମହାପାତ୍ର, ହେମନ୍ତ କୁମାର ଛୋଟରାୟ, ପ୍ରଭାତ ଚନ୍ଦ୍ର ରଥ, ଦୀପ୍ତି ମିଶ୍ର, ଜୁପିଟର ଦାସ ଓ ମନୋଜ ରଥ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ସ୍ୱାଗତ ଭାଷଣ ଓ ଅତିଥି ପରିଚୟ ଶିବ ପ୍ରସାଦ ମିଶ୍ର ପ୍ରଦାନ କରିଥିବା ବେଳେ ନବକିଶୋର ରଥ ଧନ୍ୟବାନ ଜ୍ଞାପନ କରିଥିଲେ ।
Comments are closed.