ଆସନ୍ତା ୧୭ ତାରିଖରୁ ଆରମ୍ଭ ହେଉଛି ଶାରଦୀୟ ନବରାତ୍ରୀ । ୨୫ ତାରିଖ ଯାଏ ଚାଲିବ । ନବରାତ୍ରୀର ଅଷ୍ଟମୀ ଓ ନବମୀ ତିଥିରେ ଘରେ ଓ ମନ୍ଦିରରେ କୁମାରୀ ପୂଜା କରାଯାଏ । କାହିଁ କେଉଁ କାଳରୁ ଏହି ପରମ୍ପରା ଚାଲି ଆସିଛି । ନବରାତ୍ରୀର ଅଷ୍ଟମୀ ଓ ନବମୀ ତିଥିରେ ମାଆ ମହାଗୋରୀ ଓ ସିଦ୍ଧିଦାତ୍ରୀଙ୍କ ପୂଜାର୍ଚ୍ଚନା କରିବା ପରମ୍ପରା ରହିଛି । ଏହି ତିଥିରେ ଛୋଟ ଛୋଟ ଝିଅଙ୍କୁ ଘରକୁ ଡ଼ାକି ଭୋଜନ ଦେଇ ତୃପ୍ତ କରାଯାଏ । ସେମାନଙ୍କୁ ବସ୍ତ୍ର ଓ ଅନ୍ୟାନ୍ୟ ବସ୍ତୁ ଦାନସୂତ୍ରରେ ପ୍ରଦାନ କରିବାର ବିଧି ରହିଛି । ଏବେ ଆସନ୍ତୁ ନବରାତ୍ରିରେ କନ୍ୟା ପୂଜନ ବିଧିର ମହତ୍ତ୍ୱ ସମ୍ପର୍କରେ ଜାଣିବା ।
କନ୍ୟା ପୂଜନ ମହତ୍ତ୍ୱ
ବିଶ୍ୱାସ ରହିଛି, ନବରାତ୍ରିରେ କୁମାରୀ ପୂଜା କଲେ ମାଆ ଦୁର୍ଗା ପ୍ରସନ୍ନ ହୁଅନ୍ତି । ଭକ୍ତଙ୍କ ମନବାଞ୍ଝା ପୂର୍ଣ୍ଣ କରନ୍ତି ଜଗତଜନନୀ । ଶାସ୍ତ୍ର ଅନୁସାରେ, କନ୍ୟା ପୂଜନ କରିବା ଦ୍ୱାରା ସୁଖ ଶାନ୍ତି ପ୍ରାପ୍ତ ହୁଏ । ମୋକ୍ଷ ପ୍ରାପ୍ତି ନେଇ ବି ବିଶ୍ୱାସ ରହିଛି । କନ୍ୟା ପୂଜନ ପୂର୍ବରୁ ପ୍ରଥମେ ଘରେ ଓ ମନ୍ଦିରରେ ଯଜ୍ଞ ଓ ପୂଜାପାଠ କରାଯାଏ । ଏହାଦ୍ୱାରା ମାଆଙ୍କ କୃପାଦୃଷ୍ଟି ଭକ୍ତଙ୍କ ଉପରେ ପଡ଼େ ।
ନବରାତ୍ରିରେ ନଅ ଜଣ ଝିଅଙ୍କୁ ଭୋଜନ ଦେଇ ତୃପ୍ତ କରାଯାଏ । ଯେଉଁ କୁମାରୀ ପୂଜା ପାଇଁ ଉଦ୍ଦିଷ୍ଟ, ତାହା ଆଗରୁ ନିର୍ଦ୍ଦିଷ୍ଟ ହୋଇଥାଏ । କୁହାଯାଏ ନଅ ଜଣ ଝିଅ ଦେବୀ ଦୁର୍ଗାଙ୍କ ନଅଟି ରୂପ । ଏମାନଙ୍କ ସହ ଜଣେ ପୁଅଙ୍କୁ ବି ଭୋଜନ କରାଇବାର ଆବଶ୍ୟକତା ରହିଛି । କାରଣ ତାଙ୍କୁ ବଟୁକ ଭୈରବଙ୍କ ପ୍ରତୀକ ବୋଲି ବିବେଚନା କରାଯାଏ । ମାଆ ଦୁର୍ଗାଙ୍କ ସହ ଭୈରବଙ୍କ ପୂଜା ନିହାତି ଆବଶ୍ୟକ । ନଅ କନ୍ୟାଙ୍କ ବୟସ ୨ରୁ ୧୦ ବର୍ଷ ଭିତରେ ହୋଇଥିବ ।
କେମିତି କରିବେ କୁମାରୀ ପୂଜା ?
ପ୍ରଥମେ ନଅ ଜଣଙ୍କୁ ଆମନ୍ତ୍ରଣ କରାଯାଏ । ସେମାନଙ୍କୁ ଦେବୀଙ୍କ ସ୍ୱରୂପ ଭାବି ସମ୍ମାନପୂର୍ବକ ଦିଆଯାଏ ସ୍ୱତନ୍ତ୍ର ଆସନ । ପାଦ ଧୋଇ ଦିଆଯାଏ । ମଥାରେ ନାଲି ସିନ୍ଦୁର ଓ ମୁଣ୍ଡରେ ଘୋଡ଼ାଇ ଦିଆଯାଏ ନାଲି ରଙ୍ଗର ଓଢଣୀ । ମାତାରାଣୀଙ୍କୁ ସ୍ମରଣ କରି ପୂଜାର୍ଚ୍ଚନା ଓ ପ୍ରସାଦ କରାଯାଏ । ଏହାପରେ ନଅ ଜଣ କନ୍ୟାଙ୍କୁ ଭୋଜନ କରାଯାଏ । ଏହାପରେ ଦାନ ଦକ୍ଷିଣା ଦେଇ ସେମାନଙ୍କର ପାଦ ଛୁଇଁ ଆଶୀର୍ବାଦ ଭିକ୍ଷା କରନ୍ତି ।
BREAKING NEWS
- ‘ଯେମିତି କଂଗ୍ରେସ ରାଜକୁମାର ଆମେଠୀ ଛାଡିଛନ୍ତି, ସେମିତି ଓ୍ବାୟାନାଡ ଛାଡି ପଳାଇବେ’
- ଏଣିକି ଖରାରୁ ମିଳିବ ତ୍ରାହି, ଏସି କୁଲିଂ ହେଲମେଟ ପିନ୍ଧିବେ ଟ୍ରାଫିକ୍ କର୍ମଚାରୀ
- ଧର୍ମେନ୍ଦ୍ର ପ୍ରଧାନଙ୍କ ନିଆରା ପ୍ରଚାର, ଲୋକଙ୍କ ସହ ଚା’ ପିଇ ବୁଝିଲେ ସମସ୍ୟା
- ସଲମାନଙ୍କ ପ୍ରଶଂସକଙ୍କ ପାଇଁ ବଡ ଖବର, ଖୁବଶିଘ୍ର ଆସିବ ‘ବଜରଙ୍ଗୀ ଭାଇଜାନ ୨’
- କଂଗ୍ରେସକୁ ବଡ ଝଟକା, କଂଗ୍ରେସ ଛାଡି ବିଜେପିରେ ମିଶିଲେ ପ୍ରିୟଙ୍କା ଗାନ୍ଧୀଙ୍କ ଘନିଷ୍ଠ ତାଜିନ୍ଦର ସିଂ ବିଟ୍ଟୁ
- ମାଓ କ୍ୟାମ୍ପ ଧ୍ଵଂସ କଲା ସୁରକ୍ଷାବାହିନୀ, ମାଓବାଦୀଙ୍କ ଛତ୍ରଭଙ୍ଗ
- ନିର୍ବାଚନ ଡ୍ୟୁଟି ସାରି ଫେରୁଥିବା ବେଳେ ଓଲଟିଲା ବସ୍, ୨୧ ସୁରକ୍ଷାକର୍ମୀ ଆହତ
- ଡୋଲ୍ସ ହନୋଇ ଗୋଲ୍ଡେନ ଲେକ ହୋଟେଲରେ ସବୁ କିଛି ସୁନାରେ ତିଆରି
- ଡିଡି ନ୍ୟୁଜର ନୂତନ ଲୋଗୋକୁ ନେଇ ଆରମ୍ଭ ହୋଇଛି ରାଜନୀତି ବୟାନବାଜି
- ଆଇପିଏଲ: ଏହି ଖବର ନେଇ ରାଗି କି ନିଆଁ ବାଣ ପଞ୍ଜାବ ମାଲିକାଣୀ ପ୍ରୀତି