ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲା: ସିବିଆଇ ତଦନ୍ତ ପାଇଁ ଓକିଲ ନିଯୁକ୍ତ କଲେ ସୁବ୍ରମଣ୍ୟମ
ନୂଆଦିଲ୍ଲୀ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲାର ଖୁବ୍ଶୀଘ୍ର ସିବିଆଇ ତଦନ୍ତ ହୋଇପାରେ । ସୁବ୍ରମଣ୍ୟମ ସ୍ୱାମି ସୁଶାନ୍ତଙ୍କ ଆତ୍ମହତ୍ୟା ମାମଲାରେ ସିବିଆଇ ତଦନ୍ତ ପାଇଁ ଓକିଲ ନିଯୁକ୍ତ କରିଛନ୍ତି । ସୁବ୍ରମଣ୍ୟମ ସ୍ବାମୀ ଟ୍ବିଟର ମାଧ୍ୟମରେ ସୂଚନା ଦେଇଛନ୍ତି।
ସେ ଟ୍ବିଟରେ ଲେଖିଛନ୍ତି, ସେ ଈଶାନଙ୍କୁ ଏକ ସମ୍ଭାବିତ ସିବିଆଇ ତଦନ୍ତ କିମ୍ବା ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ମାମଲାରେ ପିଆଇଏଲ୍ କିମ୍ବା ଅପରାଧିକ ଅଭିଯୋଗ ପାଇଁ ଏକ ପ୍ରକ୍ରିୟା ଆରମ୍ଭ କରିବାକୁ କହିଛନ୍ତି।’ସୁବ୍ରମଣ୍ୟମ ସ୍ବାମୀ ନିଜ ଟ୍ବିଟରେ କହିଛନ୍ତି ଯେ ଈଶାନ୍ ସିଂହ ଭଣ୍ଡାରୀ ସମ୍ଭାବିତ ସିବିଆଇ ଯାଞ୍ଚ ପାଇଁ ସମସ୍ତ ସୂଚନା ଏକାଠି କରିବେ।
ସୋସିଆଲ ମିଡିଆରେ ପ୍ରଶଂସକ ଲଗାତାର ଏହି ମାମଲାର ସିବିଆଇ ଯାଞ୍ଚର ଦାବି କରୁଛି। ଅଭିନେତା ସୁଶାନ୍ତଙ୍କ ଆତ୍ମହତ୍ୟା ମାମଲାରେ ସୁବ୍ରମଣ୍ୟମ ସ୍ବାମୀଙ୍କ ଦ୍ବାରା କରାଯାଇଥିବା କାର୍ଯ୍ୟାନୁଷ୍ଠାନର ସମ୍ଭାବିତ ସିବିଆଇ ଯାଞ୍ଚ ପାଇଁ ପ୍ରଶଂସା କରାଯାଉଛି। ଏହି ସମ୍ବନ୍ଧରେ ଲୋକେ ଲଗାତାର ସୁବ୍ରମଣ୍ୟମ ସ୍ବାମୀଙ୍କୁ ଧନ୍ୟବାଦ ଦେଉଛନ୍ତି।
ଅଭିନେତା ସୁଶାନ୍ତ ସିଂହ ରାଜପୁତ ଜୁନ୍ ୧୪ତାରିଖରେ ମୁମ୍ବାଇରେ ନିଜ ଘରେ ଫାଶୀ ଲଗାଇ ନିଜ ଜୀବନ ଦେଇଥିଲେ। ଏହା ପରେ ସିନେମା ଜଗତରେ ହଇଚଇ ସୃଷ୍ଟି ହୋଇଥିଲା। ସୁଶାନ୍ତଙ୍କ ଆତ୍ମହତ୍ୟା ମାମଲାରେ ମୁମ୍ବାଇ ପୋଲିସ୍ ସବୁକୁ ତନ୍ନ ତନ୍ନ ଯାଞ୍ଚ କରୁଛି ଏବଂ ଏହା ସହିତ ୩୨ରୁ ଅଧିକ ଲୋକଙ୍କ ବୟାନ ରୁଜୁ କରିଛି।