ନୂଆଦିଲ୍ଲୀ: ଉଚ୍ଚ ରକ୍ତଚାପ ହେଉଛି ଏକ ସାଧାରଣ ସମସ୍ୟା। ନିୟନ୍ତ୍ରଣ ବାହାରକୁ ଗଲେ ଏହା ଘାତକ ହୋଇପାରେ। ଏହାକୁ ଏକ ‘ସାଇଲେଣ୍ଟ କିଲର୍’ ବୋଲି ମଧ୍ୟ କୁହାଯାଏ।
ଦ୍ରୁତ ଗତିଶୀଳ ଜୀବନ ଏବଂ କାର୍ଯ୍ୟର କାର୍ଯ୍ୟସୂଚୀ ସହିତ, ସମସ୍ତେ ଏକ ସ୍ତରର ଚାପରେ ରହିଥାନ୍ତି। ତେବେ କରୋନା ମହାମାରୀ ଏହି ଚାପ ସ୍ତରକୁ ଆହୁରି ବଢାଇ ଦେଇଛି କହିଲେ ଅତ୍ୟୁକ୍ତି ହେବ ନାହିଁ।
ବିଶେଷଜ୍ଞଙ୍କ କହିବା ଅନୁଯାୟୀ ନିୟମିତ ମୁଣ୍ଡବିନ୍ଧା, ନାକରୁ ରକ୍ତ ପଡ଼ିବା ଏବଂ ନିଶ୍ୱାସ ପ୍ରଶ୍ୱାସ ଜନିତ ସମସ୍ୟା କିଛି ମାତ୍ରାରେ ଉଚ୍ଚ ରକ୍ତଚାପର ଲକ୍ଷଣ ହୋଇଥାଏ।
ଦୈନନ୍ଦିନ ଖାଦ୍ୟରେ କିଛି ଏପରି ଖାଦ୍ୟ ଅନ୍ତର୍ଭୁକ୍ତ କରି ଉଚ୍ଚ ରକ୍ତଚାପକୁ ନିୟନ୍ତ୍ରଣ କରିହେବ। ଏଥିପାଇଁ କିଛି ସୁପର୍ ଫୁଡ୍ର ଆବଶ୍ୟକତା ରହିଛି।
ଡାଳିମ୍ବ
ଏହି ଫଳରେ ଆଣ୍ଟିଅକ୍ସିଡାଣ୍ଟ ଏବଂ ବାୟୋଆକ୍ଟିଭ୍ ପଲିଫେନୋଲ୍ ଥାଏ, ଯାହା ଉଚ୍ଚ ରକ୍ତଚାପ ପାଇଁ ଉପକାରୀ ହୋଇଥାଏ। ଏଥିରେ ଅନେକ ଔଷଧୀୟ ଗୁଣ ମଧ୍ୟ ରହିଛି।
ଜାମୁନ୍ ଫଳ
ଏଥିରେ ଭରପୂର ମାତ୍ରାରେ ପୋଟାସିୟମ୍ ରହିଥାଏ। ଯାହା ମାଂସପେଶୀ ପାଇଁ ଭଲ ଅଟେ। ଉଚ୍ଚ ରକ୍ତଚାପ ପାଇଁ ଏହା ବେଶ୍ ଲାଭଦାୟକ ହୋଇଥାଏ। ଜାମୁନ୍ ଫଳ ଉଚ୍ଚତର କୋଲେଷ୍ଟ୍ରଲ ଏବଂ ରକ୍ତରେ ଶର୍କରା ସ୍ତରକୁ ମଧ୍ୟ ପରିଚାଳନା କରିବାରେ ସାହାଯ୍ୟ କରିଥାଏ।
ବିଟ୍ରୁଟ୍
ଏଥିରେ ପ୍ରାକୃତିକ ନାଇଟ୍ରେଟ୍ ଥାଏ। ଯାହା ହଜମ ପ୍ରକ୍ରିୟା ଦ୍ୱାରା ନାଇଟ୍ରିକ୍ ଅକ୍ସାଇଡ୍ ରେ ପରିଣତ ହୁଏ। ଏକ ଗ୍ଲାସ୍ କଞ୍ଚା ବିଟ୍ରୁଟ୍ ରସ କିମ୍ବା ବିଟ୍ରୁଟ୍ରେ ତିଆରି ରନ୍ଧା ଖାଦ୍ୟ ରକ୍ତଚାପର ସ୍ତରକୁ ଯଥେଷ୍ଟ ହ୍ରାସ କରିପାରେ।
ରସୁଣ
ରସୁଣରେ ଅନେକ ଔଷଧୀୟ ଗୁଣ ଥିବା ଜଣାପଡ଼ିଛି। ଏହା ତୁରନ୍ତ ରକ୍ତଚାପକୁ କମାଇବାରେ ସାହାଯ୍ୟ କରିଥାଏ। ଉଚ୍ଚ ରକ୍ତଚାପ ରୋଗୀଙ୍କ ଏହାକୁ ଦୈନନ୍ଦିନ ଖାଦ୍ୟରେ ଗ୍ରହଣ କରିବା ଉଚିତ।
ମେଥୀ
ଉଭୟ ପତ୍ର ଏବଂ ମଞ୍ଜିରେ ଫାଇବର ରହିଥାଏ। ଏହାଛଡା ଏଥିରେ କ୍ୟାଲସିୟମ ଭରପୂର ପରିମାଣରେ ରହିଥାଏ। ଏହା ଶରୀରରେ LDL / TG ର ସ୍ତରକୁ ହ୍ରାସ କରନ୍ତି ଯାହାଦ୍ୱାରା ରକ୍ତଚାପ କମିଥାଏ।