କଟକ: ଏଠାରେ ଚାଲିଥିବା ଓଡିଶା ଓପନ ବ୍ୟାଡମିଂଟନରେ ଭାରତୀୟ ଖେଳାଳିଙ୍କ ପ୍ରଭାବୀ ପ୍ରଦର୍ଶନ ଜାରୀ ରହିଛି । ମଙ୍ଗଳବାର ମିକ୍ସଡ ଡବଲ୍ସ କ୍ୱାର୍ଟର ଫାଇନାଲରେ ଶ୍ୱେତପର୍ଣ୍ଣା ପଣ୍ଡା ଓ ବି.ଯାଦବ ଯୋଡି ନିଜ ଦେଶର ରାହୁଲ କୁମାର ଶାହ ଓ ରୁଦ୍ରାଣୀ ଜୈସୱାଲଙ୍କୁ ୨୧-୧୨, ୨୧-୧୨ ସେଟରେ ପରାସ୍ତ କରି ସେମିକୁ ଉନ୍ନୀତ ହୋଇଛନ୍ତି । ଓଡିଆ ଝିଅ ଶ୍ୱେତପର୍ଣ୍ଣା ରାଜ୍ୟର ପ୍ରଥମ ମହିଳା ଖେଳାଳି ଭାବେ ସୁପର ୧୦୦ ସେମିଫାଇନାଲରେ ପ୍ରବେଶ କରିବା ଗୌରବ ଅର୍ଜନ କରିଛନ୍ତି ।
ଅନ୍ୟ ପ୍ରମୁଖ ମୁକାବିଲାରେ ଭାରତର ପ୍ରିୟାଂଶୁ ରାଜାୱତ ନିଜ ଦେଶର ମିଥୁନ ମଂଜୁନାଥଙ୍କୁ ହରାଇ ପୁରୁଷ ସିଙ୍ଗଲ୍ସ ସେମିରେ ପ୍ରବେଶ କରିଛନ୍ତି । ତୀଷା ଜଲି-ଗାୟତ୍ରୀ ଗୋପିଚାନ୍ଦ ମହିଳା ଡବଲ୍ସ ସେମିକୁ ଉନ୍ନୀତ ହୋଇଛନ୍ତି । କ୍ରିଷ୍ଣା ପ୍ରସାଦ ଓ ବିଷ୍ଣୁ ବର୍ଦ୍ଧନ ଯୋଡି ପୁରୁଷ ଡବଲ୍ସ କ୍ୱାର୍ଟରରେ ଶ୍ରୀଲଙ୍କା ଯୋଡିଙ୍କଠାରୁ ହାରି ଯାଇଛନ୍ତି ।
Comments are closed.