ଟିକା ନେଲେ ତାମିଲନାଡୁ ସ୍ୱାସ୍ଥ୍ୟମନ୍ତ୍ରୀ ଡକ୍ଟର ବିଜୟଭାସ୍କର

ଚେନ୍ନାଇ: ସାରା ଦେଶରେ କରୋନା ଟିକାକରଣ ଅଭିଯାନ ଚାଲିଛି। ଏଭଳି ପରିସ୍ଥିତିରେ, ଇଣ୍ଡିଆ ବାୟୋଟେକ୍ ଦ୍ୱାରା ପ୍ରସ୍ତୁତ କୋଭାକ୍ସାଇନ୍ ବିଷୟରେ ଲୋକଙ୍କ ମନରେ ଅନେକ ଆଶଙ୍କା ରହିଛି` ଲୋକଙ୍କୁ କରୋନା ଟିକା ଦେବା ପାଇଁ ବିଭିନ୍ନ ପ୍ରକାରର ଉପଦେଶ ମଧ୍ୟ ଜାରି କରାଯାଇଛି। ତାମିଲନାଡୁର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ବିଜୟଭାସ୍କରଙ୍କୁ ମଧ୍ୟ କୋଭାସିନ୍ ଟିକା ଦିଆଯାଇଛି। ଟିକାକରଣ ପରେ ସେ ଟ୍ୱିଟ୍ କରି ଲେଖିଛନ୍ତି, ‘ମୁଁ ଜଣେ ଡାକ୍ତର ଏବଂ ଆଇଏମଏର ସଦସ୍ୟ ଭାବରେ ଟିକାକରଣ କରୁଛି। ସେ କହିଛନ୍ତି ଯେ, ଏହା ମାଧ୍ୟମରେ ମୁଁ ସ୍ୱାସ୍ଥ୍ୟ କର୍ମଚାରୀଙ୍କ ମଧ୍ୟରେ କୋଭାକ୍ସିନ୍‌ ପ୍ରୟୋଗ ବିଷୟରେ ଆତ୍ମବିଶ୍ୱାସ ବଢାଉଛି। ମୁଁ ସମସ୍ତଙ୍କୁ ଅନୁରୋଧ କରୁଛି ଯେ ଟିକାକରଣ କର ଏବଂ କରୋନାରୁ ନିଜକୁ ରକ୍ଷା କରନ୍ତୁ।