ମସ୍ତିଷ୍କ ହେଉଛି ଆମ ଶରୀରର ସବୁଠାରୁ ସମ୍ବେଦନଶୀଳ ଏବଂ ଗୁରୁତ୍ୱପୂର୍ଣ୍ଣ ଅଙ୍ଗ। ଯଦି ଏହା କୌଣସି ପ୍ରକାରେ ପ୍ରଭାବିତ ହୁଏ, ତେବେ ଏହାର ପ୍ରଭାବ ଆମ ଶରୀର ଉପରେ ଦେଖାଯାଏ। ଆମର ମସ୍ତିଷ୍କ ଏକ ଉପାୟରେ କମ୍ପ୍ୟୁଟରର ଭୂମିକା ଗ୍ରହଣ କରେ, ଯାହା ସମଗ୍ର ଶରୀରକୁ ନିର୍ଦ୍ଦେଶ ଦେବା ପାଇଁ କାର୍ଯ୍ୟ କରେ। ସେଥିପାଇଁ ଡାକ୍ତରମାନେ କହିଛନ୍ତି ଯେ ମସ୍ତିଷ୍କ ସହ ଜଡିତ କୌଣସି ସମସ୍ୟା ଅଣଦେଖା କରାଯିବା ଉଚିତ୍ ନୁହେଁ। ଆଜିକାଲି ବ୍ରେନ ଷ୍ଟ୍ରୋକ୍ ମାମଲା ବଢିବାରେ ଲାଗିଛି। ଖବର ଅନୁଯାୟୀ, ଭାରତରେ ପ୍ରତିବର୍ଷ ପ୍ରାୟ ୧୮ ଲକ୍ଷ ଲୋକଙ୍କର ବ୍ରେନ ଷ୍ଟ୍ରୋକ୍ (ମସ୍ତିଷ୍କ ଆଘାତ)ର ଶିକାର ହୁଅନ୍ତି। ସେମାନଙ୍କ ମଧ୍ୟରୁ ପ୍ରାୟ ୩୦ ପ୍ରତିଶତ ଲୋକ ମୃତ୍ୟୁବରଣ କରନ୍ତି। ମସ୍ତିଷ୍କରେ ରକ୍ତ ଜମାଟ ବାନ୍ଧିବା ପରେ ବ୍ରେନ୍ ଷ୍ଟ୍ରୋକ୍ ହୁଏ।
ମସ୍ତିଷ୍କରେ ସୃଷ୍ଟି ହୋଇଥିବା ରକ୍ତ ଜମାଟ ଭଳି ସମସ୍ୟା ବର୍ତ୍ତମାନ ଅନେକ ଲୋକଙ୍କ ମଧ୍ୟରେ ଦେଖିବାକୁ ମିଳୁଛି। ତେବେ ଏହାର କିଛି ଲକ୍ଷଣ ରହିଛି ଯାହାକୁ ଅଣଦେଖା କରିବା ଉଚିତ୍ ନୁହେଁ।
ଅସ୍ପଷ୍ଟ ଦେଖାଯିବା…
ଚକ୍ଷୁଜନୀତ ସମସ୍ୟା ଥିଲେ ଦୃଷ୍ଟିଶକ୍ତି କମିଯିବା ବା ସ୍ପଷ୍ଟ ନଦେଖାଯିବା ଏକ ସାଧାରଣ ସମସ୍ୟା। କିନ୍ତୁ ବେଳେ ବେଳେ ଆପଣଙ୍କୁ ଅସ୍ପଷ୍ଟ ଦେଖାଯାଉଥିଲେ ଏହା ମସ୍ତିଷ୍କରେ ରକ୍ତ ଜମାଟ ବାନ୍ଧିବାର ସଙ୍କେତ ମଧ୍ୟ ହୋଇପାରେ। ପ୍ରାୟତଃ ଲୋକମାନେ ଏହାକୁ ଆଖିର ଖରାପ ବୋଲି ଭାବନ୍ତି। କିନ୍ତୁ ଏହା ବଡ଼ ସମସ୍ୟା ହୋଇପାରେ। ଆପଣ ଯଦି ଏପରି ଅସ୍ପଷ୍ଟ ଦେଖନ୍ତି ତେବେ ଡାକ୍ତରଙ୍କ ସହିତ ଯୋଗାଯୋଗ କରନ୍ତୁ ଏବଂ ଚିକିତ୍ସା ସମ୍ବନ୍ଧୀୟ ସମସ୍ତ ଜିନିଷ ଅନୁସରଣ କରନ୍ତୁ।
ଶରୀରର ସନ୍ତୁଳନ ହରାଇବା…
ମସ୍ତିଷ୍କରେ ରକ୍ତ ଜମାଟ ହେଲେ ମାନସିକ ସ୍ୱାସ୍ଥ୍ୟ ଖରାପ ହେବାକୁ ଲାଗେ। ଏହି ଅବସ୍ଥାରେ ଶରୀରର ସନ୍ତୁଳନ ଠିକ୍ ରହେ ନାହିଁ। ଧୀରେ ଧୀରେ ମସ୍ତିଷ୍କ ସ୍ୱାଭାବିକ ଭାବରେ କାର୍ଯ୍ୟ କରିବା ବନ୍ଦ କରିଦିଏ ଏବଂ ଶରୀରରେ ସନ୍ତୁଳନ ବିଗିଡିବାକୁ ଲାଗେ। ଏହି ଅବସ୍ଥାରେ ପକ୍ଷାଘାତ ମଧ୍ୟ ହୋଇପାରେ।
ମୁଣ୍ଡବିନ୍ଧା...
ମୁଣ୍ଡ ବିନ୍ଧିବା ଏକ ସାଧାରଣ ସ୍ୱାସ୍ଥ୍ୟ ରୋଗ, କିନ୍ତୁ ଯଦି ଏହା କ୍ରମାଗତ ଭାବରେ ହୁଏ, ତେବେ ଶରୀରରେ ଏକ ପ୍ରକାର ଗୁରୁତର ସ୍ୱାସ୍ଥ୍ୟ ସମସ୍ୟା ଘଟିଥାଇପାରେ। ବିଶେଷଜ୍ଞଙ୍କ ଅନୁଯାୟୀ, ଏହା ମସ୍ତିଷ୍କରେ ଷ୍ଟ୍ରୋକ୍ କିମ୍ବା ରକ୍ତ ଜମାଟ ବାନ୍ଧିବାର ସଙ୍କେତ ମଧ୍ୟ ହୋଇପାରେ। ଯଦି ଆପଣ ପ୍ରାୟତଃ ମୁଣ୍ଡବିନ୍ଧା ଅସୁବିଧାରେ ସମ୍ମୁଖିନ ହୁଅନ୍ତି, ତେବେ ଡାକ୍ତରଙ୍କ ସହ ଯୋଗାଯୋଗ କରାଯିବା ଉଚିତ୍।
କଥା ବନ୍ଦ ହୋଇଯିବା…
ବେଳେ ବେଳେ ଜଣେ ବ୍ୟକ୍ତିଙ୍କର କଥା କହିବା ହଠାତ୍ ବନ୍ଦ ହୋଇଯାଏ କିମ୍ବା କଥା ହେବାକୁ କଷ୍ଟ ଲାଗେ। ଏପରି ସ୍ଥିତିରେ ମସ୍ତିଷ୍କରେ ରକ୍ତ ଜମାଟ ବାନ୍ଧିବା କିମ୍ବା ଷ୍ଟ୍ରୋକ ହେବା ଏକ ବଡ଼ ସଙ୍କେତ। ମସ୍ତିଷ୍କରେ ରକ୍ତ ଜମାଟ ବାନ୍ଧିବା ପରେ ଲୋକମାନେ କଥା କହିବାକୁ ଚେଷ୍ଟା କରନ୍ତି, କିନ୍ତୁ ସେମାନେ ସ୍ପଷ୍ଟ ଭାବରେ କହିବାକୁ ଅସମର୍ଥ। ଯେକୌଣସି ବୟସରେ ମସ୍ତିଷ୍କରେ କ୍ଲଟ ସୃଷ୍ଟି ହୋଇପାରେ। ଏହାର ଗୋଟିଏ କାରଣ ମଧ୍ୟ ଚାପ ଏବଂ ଏଥିରୁ ଦୂରେଇ ରହିବା ପାଇଁ ଆପଣ ପ୍ରତିଦିନ ଧ୍ୟାନ କିମ୍ବା ଯୋଗ କରିବା ଉଚିତ।