ଭୁବନେଶ୍ୱର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜାନୁଆରୀ ୧୫ ତାରିଖ ଓଡିଶା ଗସ୍ତ କାର୍ଯ୍ୟକ୍ରମ ଇତିମଧ୍ୟରେ ଚୂଡାନ୍ତ ହୋଇଛି ।
ପ୍ରଧାନମନ୍ତ୍ରୀ ମୋଦି ଭାରତୀୟ ବାୟୁସେନାର (ଆଇଏଏଫ୍) ଏକ ସ୍ୱତନ୍ତ୍ର ହେଲିକାପ୍ଟର ଯୋଗେ ସକାଳ ୯ଟା ୩୦ମି.ରେ ଝାରସୁଗୁଡା ବିମାନ ବନ୍ଦରରେ ପହଞ୍ଚିବେ ବୋଲି ଅଧିକାରୀଙ୍କ ପକ୍ଷରୁ ସୂଚନା ପ୍ରଦାନ କରାଯାଇଛି ।
ଅନ୍ୟପକ୍ଷରେ ସେଠାରୁ ମୋଦି ବଲାଙ୍ଗୀର ଅଭିମୁଖେ ବିମାନରେ ଯାତ୍ରା କରିବେ । ପରବର୍ତ୍ତୀ ସମୟରେ ସେ ପ୍ରାୟ ୧୧.୪୫ମି. ସମୟରେ ପଥରଚେପା ମୈଦାନରେ ପହଞ୍ଚି ସେଠାରେ ଆୟୋଜିତ ଏକ ସଭାରେ ଉଦବୋଧନ ଦେବେ ।
ଆହୁରି ମଧ୍ୟ ଉକ୍ତ ସଭାରେ ଉପସ୍ଥିତ ଦଳୀୟ କର୍ମୀ ତଥା ସାଧାରଣ ଜନତାଙ୍କୁ ସମ୍ବୋଧିତ କରିବା ପରେ ପୁନଶ୍ଚ ଝାରସୁଗୁଡା ବିମାନ ବନ୍ଦରକୁ ପ୍ରତ୍ୟାବର୍ତ୍ତନ କରିବେ ବୋଲି ସୁତ୍ରରୁ ପ୍ରକାଶ ।
ତେବେ ପ୍ରଧାନମନ୍ତ୍ରୀ ମୋଦି ପାଖାପାଖି ଦ୍ୱିପ୍ରହର ୧ଟା ୪୫ମି. ସମୟରେ ସେଠାରୁ କେରଳ ଅଭିମୁଖେ ବାହାରିବେ ବୋଲି ସୂଚନା ମିଳିଛି ।