ବରଗଡ଼ : ବରଗଡ଼ ଏସିସି ସିମେଣ୍ଟ କାରଖାନାରୁ ଉଦ୍ଧାର ହୋଇଛି ଟ୍ରକ ଡ୍ରାଇଭରଙ୍କ ମୃତଦେହ । ମୃତକ ହେଲେ ନୟାଗଡ଼ ମାଲସିଆ ଗାଁର ଚନ୍ଦ୍ରମଣି ପଧାନ । ସେ ଜଣେ ଟ୍ରକ ଡ୍ରାଇଭର ଭାବରେ କାମ କରନ୍ତି । ଗତକାଲି ସନ୍ଧ୍ୟାରେ ସିମେଣ୍ଟ ଲୋଡ଼ ପାଇଁ ଏସିସି ସିମେଣ୍ଟ କାରଖାନାକୁ ଆସିଥିଲେ । ହେଲେ ଟ୍ରକରେ ଦଉଡି ଭିଡୁଥିବା ବେଳେ ଦଉଡିଟି ଛିଣ୍ଡି ଯିବାରୁ ଟ୍ରକ ଉପରୁ ସେ ତଳେ ପଡି ଯାଇଥିଲେ । ତାଙ୍କୁ ସଙ୍ଗେ ସଙ୍ଗେ ଅମ୍ବୁଲାନ୍ସ ସହାୟତାରେ ବରଗଡ଼ ଜିଲ୍ଲା ମୁଖ୍ୟ ଚିକତ୍ସାଳୟରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ବରଗଡ଼ ଟାଉନ ଥାନା କେସ ନମ୍ୱର ୩୮/୨୧ରେ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ବେଳେ, ପୋଲିସ ଘଟଣାର ତଦନ୍ତ କରୁଛି । ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରାଯାଇଛି ।
Comments are closed.