ଶ୍ରୀନଗର: ଜମ୍ମୁ କଶ୍ମୀରରେ ଟିଭି ଅଭିନେତ୍ରୀଙ୍କୁ ହତ୍ୟା କରିଥିବା ଅତଙ୍କବାଦୀଙ୍କୁ ହତ୍ୟା କଲେ ସୁରକ୍ଷାକର୍ମୀ । ଟିଭି ଅଭିନେତ୍ରୀ ଅମରିନ୍ ଭଟ୍ଟଙ୍କୁ ମାରିଥିବା ଦୁଇ ଆତଙ୍କୀଙ୍କୁ ଖୋଜି ଖୋଜି ଏନକାଉଣ୍ଟର କରିଛି ପୋଲିସ । ସେମାନଙ୍କ ସହ ମୋଟ୍ ୪ ଜଣ ଲସ୍କର-ଏ-ତୋଇବା ଆତଙ୍କବାଦୀ ନିହତ ହୋଇଛନ୍ତି ।
ଟିଭି ଅଭିନେତ୍ରୀଙ୍କୁ ହତ୍ୟା କରିଥିବା ଦୁଇ ଆତଙ୍କବାଦୀ ହେଲେ ବଡଗାମର ସାହିଦ ମୁସ୍ତାକ ଓ ପୁଲୱାମାର ଫରହାନ୍ ହବିବ । ଏମାନେ ନୂଆ କରି ଆତଙ୍କବାଦୀ ସଂଗଠନରେ ଭର୍ତ୍ତି ହୋଇଥିଲେ । ସେମାନେ ଲସ୍କର କମାଣ୍ଡର ଲତିପଙ୍କ ନିର୍ଦ୍ଦେଶରେ ଟିଭି ଅଭିନେତ୍ରୀ ଅମରିନ୍ ଭଟ୍ଟଙ୍କୁ ଗୁଳି କରି ହତ୍ୟା କରିଥିଲେ ।
Both killed newly joined local #terrorists identified as Shahid Mushtaq Bhat R/O Hafroo Chadoora #Budgam & Farhan Habib R/O Hakripora #Pulwama. They had #killed TV artist on the instruction of LeT Cmdr Lateef. 01 AK 56 rifle, 4 magazines and a pistol recovered: IGP Kashmir https://t.co/VeoHZRkdEO
— Kashmir Zone Police (@KashmirPolice) May 26, 2022
ସେହିପରି ଶ୍ରୀନଗର ସୌରାରେ ଆଉ ଏକ କାଉଣ୍ଟର ହୋଇଥିଲା । ଯେଉଁଥିରେ ଆଉ ଦୁଇ ଜଣ ଆତଙ୍କବାଦୀ ନିହତ ହୋଇଛନ୍ତି । ଗତ ୩ ଦିନ ଭିତରେ କଶ୍ମୀରରେ ୧୦ ଜଣ ଆତଙ୍କବାଦୀ ନିହତ ହେଲେଣି । ସେମାନଙ୍କ ଭିତରେ ୩ ଜଣ ଜୈସ-ଏ-ମହମ୍ମଦ ଓ ୭ ଜଣ ଲସ୍କର-ଏ-ତୋଇବା ଆତଙ୍କବାଦୀ ଅଛନ୍ତି ।