ନୂଆଦିଲ୍ଲୀ: ଯଦି ଆପଣ ଆଧାରରେ ଅନଲାଇନ୍ ଯାଇ କିଛି ଅପଡେଟ୍ କରିବାକୁ ଚାହାଁନ୍ତି, ତେବେ ଆପଣ ଏହାକୁ ମାଗଣାରେ କରିପାରିବେ। ୟୁନିକ ଆଇଡେଣ୍ଟିଫିକେସନ୍ ଅଥରିଟି ଅଫ୍ ଇଣ୍ଡିଆ ବା UIDAI ନାଗରିକମାନଙ୍କୁ ମାଗଣାରେ ଅନଲାଇନ୍ ଡକ୍ୟୁମେଣ୍ଟ୍ ଅପଡେଟ୍ କରିବାର ସୁବିଧା ପ୍ରଦାନ କରିବାକୁ ନିଷ୍ପତ୍ତି ନେଇଛି। UIDAIର ଏହି ନିଷ୍ପତ୍ତି ଦ୍ୱାରା ଲକ୍ଷ ଲକ୍ଷ ଲୋକ ଉପକୃତ ହେବେ।
ଡିଜିଟାଲ୍ ଇଣ୍ଡିଆ ଅଭିଯାନକୁ ଆହୁରି ଅଧିକ ପ୍ରୋତ୍ସାହନ ଅଧୀନରେ UIDAI ଏହି ନିଷ୍ପତ୍ତି ନେଇଛି। ଲୋକମାନଙ୍କୁ ମଧ୍ୟ ନିବେଦନ କରିଛନ୍ତି ଯେ ସେମାନେ MyAadhaar ପୋର୍ଟାଲ ଲଗଇନ କରି ମାଗଣାରେ ଡକ୍ୟୁମେଣ୍ଟ ଅପଡେଟ୍ ସୁବିଧା ପାଇପାରିବେ। ଏହି ସୁବିଧା କେବଳ ତିନିମାସ ପାଇଁ ମାଗଣାରେ ଉପଲବ୍ଧ ହେବ।
୧୫ ମାର୍ଚ୍ଚ ୨୦୨୩ରୁ ୧୪ ଜୁନ୍ ୨୦୨୩ ପର୍ଯ୍ୟନ୍ତ ଏହି ସୁବିଧା ଉପଲବ୍ଧ। MyAadhaar ପୋର୍ଟାଲରେ ଡକ୍ୟୁମେଣ୍ଟ ଅପଡେଟ୍ କରିବା ପାଇଁ କୌଣସି ଫି’ ଦେବାକୁ ପଡିବ ନାହିଁ। କିନ୍ତୁ ଆଧାର କେନ୍ଦ୍ରକୁ ଯାଇ ଡକ୍ୟୁମେଣ୍ଟ ଅପଡେଟ୍ କରିବା ପାଇଁ ୫୦ ଟଙ୍କା ଶୁଳ୍କ ଦେବାକୁ ପଡିବ।
ଯାହାର ଆଧାର ୧୦ ବର୍ଷ ହେବ ତିଆରି ହୋଇଛି ଏବଂ କେବେ ବି ଅପଡେଟ୍ ହୋଇନାହିଁ, UIDAI ସେମାନଙ୍କର ଜନସଂଖ୍ୟା ବିବରଣୀକୁ ଅପଡେଟ୍ କରିବା ପାଇଁ ପ୍ରୁଫ୍ ଅଫ୍ ଆଇଡେଣ୍ଟିଟି ଏବଂ ପ୍ରୁଫ୍ ଅଫ୍ ଆଡ୍ରେସକୁ ବୈଧ କରିବାକୁ କହୁଛି। ଏହା ପ୍ରାମାଣିକିକରଣର ସଫଳତାକୁ ତ୍ୱରାନ୍ୱିତ କରିବ, ଜୀବନର ସହଜତାକୁ ଉନ୍ନତ କରିବ ଏବଂ ବିତରଣ ସେବାକୁ ମଧ୍ୟ ଉନ୍ନତ କରିବ।
ଯଦି କେହି ସେମାନଙ୍କର ଜନସଂଖ୍ୟା, ନାମ, ଜନ୍ମ ତାରିଖ, ଠିକଣା ଏବଂ ଅନ୍ୟାନ୍ୟ ଜିନିଷରେ ପରିବର୍ତ୍ତନ କରିବାକୁ ଚାହାଁନ୍ତି, ତେବେ ସେମାନେ ନିୟମିତ ଅନଲାଇନ୍ ଅପଡେଟ୍ ସେବା ବ୍ୟବହାର କରିପାରିବେ କିମ୍ବା ନିକଟସ୍ଥ ଆଧାର କେନ୍ଦ୍ର ପରିଦର୍ଶନ କରି ପରିବର୍ତ୍ତନ କରିପାରିବେ।