ନୂଆଦିଲ୍ଲୀ: ୨୦୨୨-୨୩ ଆର୍ଥିକ ବର୍ଷ ପାଇଁ ସଂସଦରେ ବଜେଟ୍ ଉପସ୍ଥାପନ କରିବେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । କରୋନା ମହାମାରୀ ମାଡ଼ରେ ଭୁଶୁଡି ପଡିଥିବା ଦେଶର ଅର୍ଥନୀତିକୁ ଆଗକୁ ନେବା ସରକାରଙ୍କ ଆଗରେ ଚ୍ୟାଲେଞ୍ଜ । ଏଭଳି ସ୍ଥିତିରେ ବଜେଟ୍ ଉପରେ ସବୁ ବର୍ଗର ନଜର ରହିଛି । କାହାକୁ ମିଳିବ ଆଶ୍ୱସ୍ତି ? କଣ ବଡ଼ ଘୋଷଣା କରିବେ କେନ୍ଦ୍ର ଅର୍ଥମନ୍ତ୍ରୀ ? ଏଥର ବଜେଟରେ ୧୪ ପ୍ରତିଶତ ଅଧିକ ଅର୍ଥ ବ୍ୟୟବରାଦ କରିପାରନ୍ତି କେନ୍ଦ୍ର ସରକାର ।
ଆୟକର ଉପରେ ମିଳିପାରେ ଆଶ୍ୱସ୍ତି
ଆୟକର ସ୍ଲାବରେ ବଡ଼ ପରିବର୍ତ୍ତନ ନେଇ ବଜେଟରେ ଘୋଷଣା କରି ପାରନ୍ତି ଅର୍ଥମନ୍ତ୍ରୀ । ବରିଷ୍ଠ ନାଗରିକଙ୍କ ପାଇଁ ୫ ଲକ୍ଷ ଯାଏ ଆୟ ଉପରେ ଟିକସ ଛାଡ଼ ହୋଇପାରେ । ସର୍ବୋଚ୍ଚ ଟ୍ୟାକ୍ସ ସ୍ଲାବ ହାରକୁ ୩୦ପ୍ରତିଶତରୁ ୨୫ ପ୍ରତିଶତକୁ ହ୍ରାସ କରିପାରନ୍ତି ସରକାର ।
ଫୋକସରେ ସ୍ୱାସ୍ଥ୍ୟ କ୍ଷେତ୍ର
କରୋନା ମହାମାରୀ ପ୍ରଭାବରେ ଦେଶରେ ସ୍ୱାସ୍ଥ୍ୟ କ୍ଷେତ୍ରେ ବିଶେଷ ଭାବରେ ପ୍ରଭାବିତ ହୋଇଛି । ଏହାକୁ ଦୃଷ୍ଟିରେ ରଖି ଚଳିତ ବଜେଟରେ ସ୍ୱାସ୍ଥ୍ୟକ୍ଷେତ୍ର ପାଇଁ ଅଧିକ ବ୍ୟୟବରାଦ ହୋଇପାରେ । ସ୍ୱାସ୍ଥ୍ୟ ଓ ଶିକ୍ଷା କ୍ଷେତ୍ରରେ ନିବେଶ ପାଇଁ ଦେଶର ୧୦ପ୍ରତିଶତ ଧନୀଙ୍କ ଉପରେ ୧ପ୍ରତିଶତ ସରଚାର୍ଜ ଲଗାଇବାକୁ ସରକାରଙ୍କୁ ସୁପାରିଶ ହୋଇଥିଲା ।
ଏମଏସଏମଇ କ୍ଷେତ୍ର
ଏମଏସଏମଇ କ୍ଷେତ୍ର ପାଇଁ ବଜେଟରେ ସ୍ୱତନ୍ତ୍ର ଘୋଷଣା କରିପାରନ୍ତି ନିର୍ମଳା ସୀତାରମଣ । କରୋନା କାଳରେ ଦେଶରେ ଏମଏସଏମଇ ସେକ୍ଟର ବି ପ୍ରଭାବିତ ହୋଇଛି । ବିଶେଷ କରି କ୍ଷୁଦ୍ର ଓ ମଧ୍ୟମ ଧରଣର ଉଦ୍ୟୋଗୀ କ୍ଷତି ସହିଛନ୍ତି । ସେମାନଙ୍କୁ ଋଣ ପ୍ରଦାନ ନେଇ କୌଣସି ଘୋଷଣା କରିପାରନ୍ତି ଅର୍ଥମନ୍ତ୍ରୀ ।
Comments are closed.