ତେଜୁଛି କୃଷକ ଆନ୍ଦୋଳନ: ଆଜି ଆଲୋଚନା ପାଇଁ ଡାକିଛନ୍ତି କେନ୍ଦ୍ର ସରକାର

ନୂଆଦିଲ୍ଲୀ: ରାଜରାସ୍ତାରେ ଦେଶର ଅନ୍ନଦାତା । ନୂଆ କୃଷି ବିଲକୁ ବିରୋଧ କରିବା ସହ ନିଜ ହକ ପାଇଁ ଦିଲ୍ଲୀ ସୀମାରେ ଆନ୍ଦୋଳନ ଚଳାଇଛନ୍ତି ହଜାର ହଜାର କୃଷକ । ଦାବି ପୂରଣ ନେହେଲେ ଆନ୍ଦୋଳନରୁ ଓହରିବେ ନାହିଁ ବୋଲି ସଫା ସଫା ଶୁଣାଇ ଦେଇଛନ୍ତି । ଅଡୁଆରେ ପଡିଥିବା କେନ୍ଦ୍ର ସରକାର ଆଜି କୃଷକଙ୍କ ସହ ଆଲୋଚନା କରିବେ । କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମର ସେମାନଙ୍କୁ ଡାକିଛନ୍ତି ।
ଆଜି ଅପରାହ୍ମ ୩ଟାରେ କୃଷକ ନେତାଙ୍କ ସହ ଆଲୋଚନା କରିବେ କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂ ତୋମର । ଏନେଇ କୃଷକ ସଂଗଠନକୁ ଚିଠି ଲେଖି ଜଣାଇଛନ୍ତି କୃଷି ସିଚବ ସଞ୍ଜୟ ଅଗ୍ରଓ୍ୱାଲ । କେନ୍ଦ୍ର ସରକାର ୩୨ଟି କୃଷକ ସଂଗଠନର ପ୍ରତିନିଧିଙ୍କୁ ଆଲୋଚନା ପାଇଁ ଆମନ୍ତ୍ରଣ କରିଛନ୍ତି । ତେବେ ସେମାନେ ଆଲୋଚନାକୁ ଯିବେ କି ନାହିଁ କୃଷକ ସଂଗଠନ ବୈଠକରେ ବିଚାରବିମର୍ଶ ପରେ ନିଷ୍ପତ୍ତି ହେବ ।