ନୂଆଦିଲ୍ଲୀ: ଆସନ୍ତା ବର୍ଷ ହେବାକୁ ଥିବା ଲୋକସଭା ନିର୍ବାଚନକୁ ଦୃଷ୍ଟିରେ ରଖି ସମସ୍ତ ରାଜନୈତିକ ଦଳ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ବିରୋଧୀ ଦଳମାନେ ଆଜି ବେଙ୍ଗାଲୁରୁରେ ଏକାଠି ହୋଇ ବୈଠକ କରୁଥିବା ବେଳେ ଆସନ୍ତାକାଲି ଏନଡିଏ ମଧ୍ଯ ବୈଠକ କରିବାକୁ ଯାଉଛି। ଦିଲ୍ଲୀରେ ଏନଡିଏର ଅଶୋକା ହୋଟେଲରେ ବୈଠକ ବସିବ। ଏହି ଦିନ ବିରୋଧୀ ଦଳର ବୈଠକର ଦ୍ୱିତୀୟ ଦିନ ରହିଛି।
ଏନଡିଏର ବୈଠକ ସମ୍ପର୍କରେ ବିଜେପି ସଭାପତି ଜେପି ନଡ୍ଡା କହିଛନ୍ତି ଯେ ଆସନ୍ତାକାଲି ବିଜେପି ନେତୃତ୍ୱରେ ଏନଡିଏର ଏକ ବୈଠକ ହେବ। ଯେଉଁଥିରେ ୩୮ ଟି ଦଳ ଆସିବେ। ଗତ ୯ ବର୍ଷ ମଧ୍ୟରେ, ଏନଡିଏର ସମସ୍ତ ଦଳ ଏନଡିଏର ବିକାଶ ଏଜେଣ୍ଡା, ଯୋଜନା, ନୀତି ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଚାଲିଥିବା ଆଗ୍ରହ ଦେଖାଇଛନ୍ତି। ଦଳଗୁଡ଼ିକ ଏନଡିଏ ପ୍ରତି ଉତ୍ସାହର ସହିତ ଆସୁଛନ୍ତି ଢ
ୟୁପିଏର କୌଣସି ନୀତି ନାହିଁ, କୌଣସି ନେତା ନାହାନ୍ତି ଏବଂ ନିଷ୍ପତ୍ତି ନେବାକୁ ଶକ୍ତି ନାହିଁ। ବୋଲି ସେ ବିରୋଧୀକୁ କଟାକ୍ଷ କରି କହିଛନ୍ତି। ମୋଦୀ ସରକାରର ସଫଳତା ବାବଦରେ କହିବାକୁ ଯାଇ ନଡ୍ଡା କହିଛନ୍ତି ଯେ ଡିବିଟି ଜରିଆରେ ଆମେ ହିତାଧିକାରୀଙ୍କ ଆକାଉଣ୍ଟକୁ ସିଧାସଳଖ ୨୮ ଲକ୍ଷ କୋଟି ଟଙ୍କା ଟ୍ରାନ୍ସଫର କରିଛୁ। ଆମେ ପ୍ରାୟ ୪-୫ ଲକ୍ଷ କୋଟି ଟଙ୍କା ଦୁର୍ନୀତିକୁ ରୋକିଛୁ। ଏହା ସହିତ ଡିଜିଟାଲ ଉପକରଣଗୁଡ଼ିକର ବ୍ୟବହାର ବୃଦ୍ଧି ପାଇଛି, ଯାହାକି ସ୍ୱଚ୍ଛତା ଆଣିଛି। ମୋଦୀଙ୍କ ନେତୃତ୍ୱରେ କୋଭିଡ ପରିଚାଳନାରେ ଭାରତ ବିଶ୍ୱରେ ଏକ ଉଦାହରଣ ସୃଷ୍ଟି କରିଛି।
ଦିଲ୍ଲୀରେ ଆୟୋଜିତ ହେବାକୁ ଥିବା ଏନଡିଏ ବୈଠକରେ ବହୁ ନୂଆ ସହଯୋଗୀ ଉପସ୍ଥିତ ରହିବେ। ଏହି ବୈଠକରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ, ଏନସିପିର ଅଜିତ ପାୱାର ଗୋଷ୍ଠୀ, ସୁହେଲଦେବ ଭାରତ ସମାଜ ପାର୍ଟି (ୟୁପି), ହିନ୍ଦୁସ୍ତାନୀ ଆୱାମ ମୋର୍ଚ୍ଚା (ସେକ୍ୟୁଲାର), ରାଷ୍ଟ୍ରିୟ ଲୋକ ଜନତା ଦଳ (ଆରଏଲଜେଡି), ଏଆଇଏଡିଏମକେ, ପବନ କଲ୍ୟାଣ ଜନ ଜନନା। ଅନ୍ୟ ବଡ ଦଳମାନେ ଅଂଶଗ୍ରହଣ କରିବେ।