ନୂଆଦିଲ୍ଲୀ: ଏବେ ଭାରତ ଫେରିବ ୨୬/୧୧ ମୁମ୍ବାଇ ଆଟାକର ମୁଖ୍ୟ ଅଭିଯୁକ୍ତ ତହବୁର ରାଣା । ତହବୁର ଭାରତ ଫେରିବା ନେଇ ବାଟ ଫିଟାଇଛନ୍ତି ଆମେରିକା ସୁପ୍ରିମକୋର୍ଟ । ଆମେରିକା ସୁପ୍ରିମକୋର୍ଟ ତହବୁର ଦ୍ବାରା ଦିଆଯାଇଥିବା ଆବେଦନ ଖାରଜ କରି କିଛି ଏପରି ନିଷ୍ପତ୍ତି ଶୁଣାଇଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୱାଶିଂଟନ ଗସ୍ତ ସମୟରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଭାରତକୁ ପ୍ରତ୍ୟର୍ପଣ ଉପରେ ରୋକ ଲଗାଇବା ପରେ, ଆମେରିକାର ସୁପ୍ରିମକୋର୍ଟ ମୁମ୍ବାଇ ଆତଙ୍କବାଦୀ ଆକ୍ରମଣ ଅଭିଯୁକ୍ତ ତହୱୁର ରାଣାଙ୍କ ଭାରତକୁ ପ୍ରତ୍ୟର୍ପଣ ଉପରେ ରୋକ ଲଗାଇବା ପାଇଁ କରିଥିବା ଆବେଦନକୁ ଖାରଜ କରିଦେଇଛନ୍ତି । ସୁପ୍ରିମକୋର୍ଟର ବିଚାରପତି ଏଲେନା କାଗାନ ରାଣାଙ୍କ ପ୍ରତ୍ୟର୍ପଣ ଉପରେ ରୋକ ଲଗାଇବାକୁ ସିଧା ସିଧା ମନା କରିଦେଇଛନ୍ତି ।
ତେବେ ପାକିସ୍ତାନୀ ବଂଶୋଦ୍ଭବ କାନାଡିୟ ନାଗରିକ ୬୩ ବର୍ଷୀୟ ତହବୁର ରାଣା, ମୁମ୍ବାଇ ଆଟାକର ମୁଖ୍ୟ ସୂତ୍ରଧର । ବର୍ତ୍ତମାନ ସେ ଲସ୍ ଆଞ୍ଜେଲସର ଏକ ମେଟ୍ରୋପଲିଟାନ୍ ଡିଟେନସନ୍ ସେଣ୍ଟର ଜେଲରେ ସଜା କଟୁଛି । ଲସ୍କର-ଏ-ତୈବା ଆତଙ୍କବାଦୀ ଡେଭିଡ୍ ହେଡଲି ସହିତ ତାର ସଂପର୍କ ଭାବେ ସେ ଜଣାଶୁଣା । ୨୦୦୮ ମସିହାରେ ମୁମ୍ବାଇରେ ହୋଇଥିବା ଆକ୍ରମଣର ମୁଖ୍ୟ ଷଡଯନ୍ତ୍ରକାରୀଙ୍କ ମଧ୍ୟରୁ ସେ ଜଣେ, ଯେଉଁଥିରେ ୧୭୫ ଜଣଙ୍କ ଜରବନ ଯାଇଥିଲା ।
ଗତ ମାସରେ ମୋଦି ଆମେରିକା ଗସ୍ତରେ ଯାଇଥିବା ବେଳେ ରାଷ୍ଟ୍ରପତି ଟ୍ରମ୍ପ ତହବୁର ରାଣାକୁ ଭାରତୀୟ ନ୍ୟାୟର ସମ୍ମୁଖୀନ ହେବା ପାିଁ, ଭାରତ ପ୍ରତ୍ୟାର୍ପଣକୁ ଅନୁମୋଦନ ଘୋଷଣା କରଇଥିଲେ । ଯାହାକୁ ନେଇ ସୁପ୍ରିମକୋର୍ଟର ଦ୍ବାରସ୍ଥ୍ୟ ହୋଇଥିଲା ତହବୁର । ଯେହେତୁ ସେ ଜଣେ ପାକିସ୍ତାନୀ ବଂଶୋଦ୍ଭବ ମୁସଲମାନ, ତେଣୁ ପ୍ରତ୍ୟାର୍ପଣ ପରେ ଭାରତ ତାକୁ ନୀର୍ଯାତନା ଦେବ । ତାର ବଞ୍ଚିବା କଷ୍ଟକର ହେବ ବୋଲି ଦାବି କରି, ପ୍ରତ୍ୟାର୍ପଣକୁ ଆଦେଶ ଉପରେ ରୋକ ଲଗାଇବାକୁ ସୁପ୍ରକିକୋର୍ଟର ଦ୍ବାରସ୍ଥ ହୋଇଥିଲା ତହବୁର । ଯାହାକୁ ବର୍ତ୍ତମାନ ଆମେରିକା ସୁପ୍ରିମକୋର୍ଟ ଖାରଜ କରିଛି । ଯାହା ଏବେ ତହବୁର ଭାରତ ଆସିବା ନେଇ ବାଟ ଫିଟାଇଛି ।
Comments are closed.