ଝାରସୁଗୁଡ଼ା: ଭାରତର ସର୍ବବୃହତ୍ ଆଲୁମିନିୟମ ଉତ୍ପାଦକ ବେଦାନ୍ତ ଆଲୁମିନିୟମ ପକ୍ଷରୁ ଝାରସୁଗୁଡ଼ାସ୍ଥିତ କାର୍ଯ୍ୟକ୍ଷେତ୍ରରେ ବିଶ୍ୱ ପରିବେଶ ଦିବସ ପାଳନ ଅବସରରେ ବିଭିନ୍ନ ସ୍ଥାନରେ ପ୍ରାୟ ୨,୦୦୦ ଚାରା ରୋପଣ ସହ ପରିବେଶ ସଚେତନତା କାର୍ଯ୍ୟକ୍ରମ ଆୟୋଜନ କରାଯାଇଛି।
ସ୍ଥାନୀୟ ସମୁଦାୟଙ୍କ ସହଯୋଗରେ ଆୟୋଜିତ ଏହି ପଦକ୍ଷେପରେ କମ୍ପାନୀର କର୍ମଚାରୀ ଓ ବ୍ୟବସାୟିକ ସହଯୋଗୀ ମାନେ ସାମିଲ ହୋଇ ଅଞ୍ଚଳର ସବୁଜ ଆବରଣ ବୃଦ୍ଧି ଏବଂ ପରିବେଶ ସଂରକ୍ଷଣ ପାଇଁ ସାମୂହିକ ପ୍ରୟାସକୁ ସୁଦୃଢ଼ କରିଛନ୍ତି।
ନଭେମ୍ବର ୧ ତାରିଖରେ ପାଳିତ ବିଶ୍ୱ ପରିବେଶ ଦିବସ ପରିସଂସ୍ଥାର ସୁରକ୍ଷା ଏବଂ ମଣିଷ ଓ ପ୍ରକୃତି ମଧ୍ୟରେ ସନ୍ତୁଳନ ବଜାୟ ରଖିବାର ଗୁରୁତ୍ୱକୁ ଉଜାଗର କରେ। ଏହାର ଉଦ୍ଦେଶ୍ୟ ମିଳିତ ଜାତିସଂଘର ‘ପରିସଂସ୍ଥା ପୁନରୁଦ୍ଧାର ଦଶକ (୨୦୨୧-୨୦୩୦)’ ଅଭିଯାନ ସହ ସମନ୍ୱିତ, ଯାହା ପରିସଂସ୍ଥାର ଅବକ୍ଷୟକୁ ରୋକିବା ଓ ପୁନରୁଦ୍ଧାର କରିବା ପାଇଁ ଏକ ବିଶ୍ୱବ୍ୟାପୀ ଆହ୍ୱାନ। ଏହି ଭାବନାକୁ ଆଧାର କରି ବେଦାନ୍ତ ଆଲୁମିନିୟମର ଝାରସୁଗୁଡ଼ା ୟୁନିଟ୍ ପକ୍ଷରୁ ବୃକ୍ଷରୋପଣ ଓ ସଚେତନତା କାର୍ଯ୍ୟକ୍ରମକୁ ଏକତ୍ର କରାଯାଇ କର୍ମଚାରୀ, ସମୁଦାୟ ସଦସ୍ୟ ଓ ସ୍ଥାନୀୟ ଅଂଶୀଦାରଙ୍କ ମଧ୍ୟରେ ପରିବେଶ ସୁରକ୍ଷା ପ୍ରତି ଦାୟିତ୍ୱବୋଧ ବୃଦ୍ଧି କରାଯାଇଛି।
ବେଦାନ୍ତ ଆଲୁମିନିୟମ ମେଟାଲ ଲିମିଟେଡ୍ (ଭିଏଏମ୍ଏଲ୍) ଝାରସୁଗୁଡ଼ାର ମୁଖ୍ୟ କାର୍ଯ୍ୟନିର୍ବାହୀ ସି. ଚନ୍ଦ୍ରୁ କହିଛନ୍ତି, “ପରିବେଶ ସଂରକ୍ଷଣ ଆମ କାର୍ଯ୍ୟପ୍ରଣାଳୀର ଏକ ଅବିଚ୍ଛେଦ୍ୟ ଅଂଶ। ସମ୍ବଳର ଦକ୍ଷ ବ୍ୟବହାର ବୃଦ୍ଧି, ସ୍ୱଚ୍ଛ ପ୍ରଯୁକ୍ତି ଆପଣାଇବାଠାରୁ ଆରମ୍ଭ କରି ଜୈବ ବିବିଧତା ସଂରକ୍ଷଣ ପର୍ଯ୍ୟନ୍ତ ଆମେ ଏହାକୁ ପ୍ରାଥମିକତା ଦେଉଛୁ। ଏହି ବ୍ୟାପକ ବୃକ୍ଷରୋପଣ ଭଳି ସ୍ଥାୟୀତ୍ୱକେନ୍ଦ୍ରିକ ପଦକ୍ଷେପ ଦାୟିତ୍ୱପୂର୍ଣ୍ଣ ଉତ୍ପାଦନ ଏବଂ ଆମ ଚାରିପାଖରେ ଥିବା ସମୁଦାୟଙ୍କ ପାଇଁ ଦୀର୍ଘକାଳୀନ ମୂଲ୍ୟ ସୃଷ୍ଟି କରିବା ପ୍ରତି ଆମର ପ୍ରତିବଦ୍ଧତାକୁ ଆହୁରି ଦୃଢ଼ କରୁଛି।”
ଏହି ପଦକ୍ଷେପ ଝାରସୁଗୁଡ଼ା ୟୁନିଟ୍ର ବ୍ୟାପକ ଜୈବ ବିବିଧତା ଓ ସ୍ଥାୟୀତ୍ୱ ପ୍ରୟାସର ଏକ ଅଂଶ, ଯାହା ଅଞ୍ଚଳର ସବୁଜ ଆବରଣ ବୃଦ୍ଧି ଏବଂ ପରିବେଶ ସଂରକ୍ଷଣରେ ସହାୟକ ହେଉଛି।
କମ୍ପାନୀର ବ୍ୟବସାୟିକ ସହଯୋଗୀ ଡବ୍ଲ୍ୟୁଆଇସିଏଲ୍ର କର୍ମଚାରୀ ଶଙ୍କର ସାମନ୍ତ କହିଛନ୍ତି, “ଏହି ସଚେତନତା ଅଧିବେଶନ ପରିବେଶ ପାଇଁ ଛୋଟ ଛୋଟ ପଦକ୍ଷେପ ମଧ୍ୟ କିପରି ବଡ଼ ପରିବର୍ତ୍ତନ ଆଣିପାରେ, ସେ ବିଷୟରେ ମୋତେ ନୂଆ ଦୃଷ୍ଟିକୋଣ ଦେଇଛି। ଜୈବ ବିବିଧତା ସଂରକ୍ଷଣ ଓ ସ୍ଥାୟୀ ଅଭ୍ୟାସ ବିଷୟରେ ଜାଣି ମୁଁ ଉତ୍ସାହିତ ହୋଇଛି। ନିଜ ଜୀବନରେ ମଧ୍ୟ ଏହି ଅଭ୍ୟାସଗୁଡ଼ିକ ଆପଣାଇବାକୁ ପ୍ରେରଣା ମିଳିଛି। ସମୁଦାୟ ପାଇଁ ଏଭଳି ପଦକ୍ଷେପ ଆୟୋଜନ କରାଯାଉଥିବା ଦେଖି ଖୁସି ଲାଗୁଛି।”
ଝାରସୁଗୁଡ଼ା ୟୁନିଟ୍ରେ ବେଦାନ୍ତ ଆଲୁମିନିୟମ ସ୍ଥାୟୀ ଉତ୍ପାଦନ ପାଇଁ ବହୁମୁଖୀ ପଦକ୍ଷେପ ଗ୍ରହଣ କରିଛି। ଏଥିରେ ଜଳ ପରିଚାଳନାର ସମ୍ପୂର୍ଣ୍ଣ ନିରୀକ୍ଷଣ ପାଇଁ ଡିଜିଟାଲ୍ ମନିଟରିଂ ବ୍ୟବସ୍ଥା ଏବଂ ଚିମ୍ନିରୁ ନିର୍ଗତ ଧୂଆଁ ଓ ଗ୍ୟାସର ନିରୀକ୍ଷଣ ପାଇଁ ଉନ୍ନତ ଇଣ୍ଟରନେଟ୍ ଅଫ୍ ଥିଙ୍ଗ୍ସ (ଆଇଓଟି) ଆଧାରିତ ଡିଜିଟାଲ୍ ସେନ୍ସର୍ ବ୍ୟବହାର ଅନ୍ତର୍ଭୁକ୍ତ।
୨୦୨୫-୨୬ ଆର୍ଥିକ ବର୍ଷ ସୁଦ୍ଧା ଏହି ୟୁନିଟ୍ରେ ୧୧୬ଟି ବିଦ୍ୟୁତ୍ଚାଳିତ ଫୋର୍କଲିଫ୍ଟ କାର୍ଯ୍ୟରତ ରହିଛି। ଏହା ମୁଖ୍ୟ କାରଖାନାର କାର୍ଯ୍ୟକଳାପରେ ବାର୍ଷିକ ୧୬.୩ ଲକ୍ଷ ଲିଟର ଡିଜେଲ୍ ବ୍ୟବହାର ହ୍ରାସ କରିବା ସହ ୪,୪୫୦ ଟନ୍ କାର୍ବନ ଡାଇଅକ୍ସାଇଡ୍ ସମତୁଲ ନିର୍ଗମନ ହ୍ରାସରେ ସହାୟକ ହେଉଛି।