ଭୁବନେଶ୍ୱର: ଏଣିକି ବିଜୁଳି ବିଲ୍ ନଭରିଲେ ତ୍ରାହି ନାହିଁ । ସେସୁ, ନେସ୍କୋ ପରେ ୱେସ୍କୋ ଦେଇଛି ବିଜୁଳି କାଟ୍ର ଚେତାବନୀ । ଆସନ୍ତା ୧୮ ତାରିଖ ସୁଦ୍ଧା ବକେୟା ବିଲ୍ ନଭରିଲେ ବିଦ୍ୟୁତ ସଂଯୋଗ ବିଚ୍ଛିନ୍ନ କରାଯିବ । ଏନେଇ ୱେସ୍କୋ ପକ୍ଷରୁ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।
ୱେସ୍କୋ ଅନୁସାରେ ବିଭିନ୍ନ ଘରୋଇ କମ୍ପାନୀ ଗୁଡିକ ଉପରେ ପ୍ରାୟ ୨ହଜାର ୧୧୭ କୋଟି ଟଙ୍କାର ବିଜୁଳି ବିଲ୍ ବାକି ଅଛି । ଏହାସହ ଗତ ୨ ବର୍ଷ ମଧ୍ୟରେ ୧ଲକ୍ଷ ୨୫ ହଜାର ୧୭୦ ଜଣ ବିଜୁଳି ଉପଭୋକ୍ତା ବିଜୁଳି ବିଲ୍ ପୈଠ କରିନାହାନ୍ତି । ୨ଲକ୍ଷ ୫୭ ହଜାର ୬୫୧ ଉପଭୋକ୍ତାଙ୍କ ଉପରେ ୨୫ ହଜାରରୁ ଅଧିକ ଟଙ୍କାର ବିଦ୍ୟୁତ ବିଲ୍ ବକେୟା ରହିଛି । ସେହିପରି ୫୦ ହଜାରରୁ ଅଧିକ ଟଙ୍କାର ବିଜୁଳି ବିଲ୍ ବାକି ଥିବା ଗ୍ରାହକଙ୍କ ସଂଖ୍ୟା ରହିଛି ୧ଲକ୍ଷ ୩୪ ହଜାର ୫୬୧ । ଅନ୍ୟପଟେ ଏଚ୍ଟି, ଇଏଚ୍ଟି ନିକଟରେ ୪୦୬ କୋଟି ଟଙ୍କା ବାକି ପଡିଛି ।
ୱେସ୍କୋ ପଶ୍ଚିମ ଓଡ଼ିଶାରେ ୯ଟି ଜିଲ୍ଲାକୁ ସେବା ଯୋଗାଉଛି । ସରକାରଙ୍କ ଚିଠି ଅନୁସାରେ ଫେବୃଆରୀ ମାସ ଶେଷ ସୁଦ୍ଧା ବିଲ୍ ପୈଠ କରାନଗଲେ ବିଜୁଳି ସେବା କାଟି ଦିଆଯିବ । ସେହିପରି ସରକାରୀ କ୍ୱାର୍ଟର ଗୁଡିକ ସମ୍ପର୍କରେ ସରକାର କୌଣସି ଚିଠି ଦେଇନଥିବାରୁ ସେଗୁଡିକର ଆସନ୍ତା ଫେବୃଆରୀ ୧୮ ତାରିଖ ଭିତରେ ବିଜୁଳି କାଟି ଦିଆଯିବ ବୋଲି ସୂଚନା ଦେଇଛି ୱେସ୍କୋ ।
Comments are closed.