ନୂଆଦିଲ୍ଲୀ: ଭାରତର ୮ ପୂର୍ବତନ ନୌସେନା ଯବାନଙ୍କୁ ମୃତ୍ୟୁଦଣ୍ଡାଦେଶ ଦେଇଛି କତାର । କତାରର ଏପରି ଦଣ୍ଡାଦେଶରେ ଭାରତ ସ୍ତବ୍ଧ । ବୈଦେଶିକ ମନ୍ତ୍ରଣାଳୟ ଅନୁସାରେ ଆଇନ ଅନୁସାରେ ସେମାନେ କିପରି ମୁକୁଳିବେ ସେ ନେଇ ଆମେ ଉଦ୍ୟମ ଆରମ୍ଭ ହୋଇଛି । ତେବେ ସବୁଠାରୁ ବଡ କଥା ଭାରତ କିମ୍ବା କତାର ସ୍ପଷ୍ଟ ଭାବେ ଜଣାଇ ନାହାନ୍ତି ଯେ, ଏହି ୮ଜଣ କେଉଁ ଦୋଷ ପାଇଁ ଦଣ୍ଡିତ ହୋଇଛନ୍ତି । ତେବେ କିଏ ଏହି ୮ ଜଣ ନୌସେନା ଅଧିକାରୀ ? କତାର-ଭାରତ ସମ୍ପର୍କ ଭଲ ଥିବାବେଳେ ହଠାତ ଏମିତି ଦଣ୍ଡାଦେଶ କାହିଁକି ଶୁଣାଇଲା କତାର ?
ନୌସେନାର ଏହି ୮ ଜଣ କର୍ମଚାରୀ କତାରର ଏକ କମ୍ପାନୀରେ କାମ କରୁଥିଲେ । ଏହି ଅଧିକାରୀଙ୍କ ବିରୋଧରେ ଗୁଇନ୍ଦାଗିରି କରୁଥିବା ଅଭିଯୋଗ ଆଣିଛି କତାର । ୨୦୨୨ ଅଗଷ୍ଟ ୩୦ ତାରିଖରେ କତାର ଅଧିକାରୀମାନେ ଏହି ୮ ଜଣ ଭାରତୀୟଙ୍କୁ ଗିରଫ କରି ନେଇଥିଲେ । ସେବେଠାରୁ ୮ ନୌସେନା କର୍ମଚାରୀ ଜେଲରେ ଥିଲେ । ଏମାନଙ୍କ ବିରୋଧରେ ମାର୍ଚ୍ଚ ୨୯ରୁ କେସ ଚାଲିଛି । ସେମାନଙ୍କୁ ସାକ୍ଷାତ କରିବା ପାଇଁ ଭାରତକୁ ଅନୁମତି ମିଳିବା ପରେ ଭାରତୀୟ ରାଷ୍ଟ୍ରଦୂତ ଅକ୍ଟୋବରରେ ଏହି ୮ ଅଧିକାରୀଙ୍କୁ ଜେଲରେ ସାକ୍ଷାତ କରିଥିଲେ ।
କତାରରେ ଅଲ ଦହରା ନାମକ ଏକ ସିକ୍ୟୁରିଟି କମ୍ପାନୀ ରହିଛି । ଏହି କମ୍ପାନରେ କାମ କରୁଥିଲେ ୮ ପୂର୍ବତନ ଭାରତୀୟ ନୌସେନା ଅଧିକାରୀ । ସେତିକି ନୁହେଁ, କତାରରେ ନୌସେନାଙ୍କୁ ତାଲିମ ମଧ୍ୟ ଦେଉଥିଲେ ଏହି ଭାରତୀୟମାନେ । କତାର ଅଧିକାରୀଙ୍କ ସହ ମିଶି ସେମାନେ ନୌସେନାଙ୍କୁ ତାଲିମ ଦେଉଥିଲେ । ତେବେ ସବୁଠାରୁ ଆଶ୍ଚର୍ଯ୍ୟର କଥା, ଏମାନଙ୍କ ବିରୋଧରେ କି କି ଆରୋପ ଲାଗିଛି ସେନେଇ କତାର ପକ୍ଷରୁ କୌଣସି ସ୍ପଷ୍ଟ ସୂଚନା ମିଳିନାହିଁ ।
ମୃତ୍ୟୁଦଣ୍ଡାଦେଶ ପାଇଥିବା ଏହି ୮ ଜଣ ଭାରତୀୟ ହେଲେ ନବତେଜ ସିଂହଗିଲ, କ୍ୟାପଟେନ ସୌରଭ ବଶିଷ୍ଠ, କମାଣ୍ଡର ପୂର୍ଣ୍ଣନ୍ଦୁ ତିୱାରୀ, କ୍ୟାପଟେନ ବୀରେନ୍ଦ୍ର କୁମାର ବର୍ମା, କମାଣ୍ଡର ସୁଗୁନାଗର ପକାଲା, କମାଣ୍ଡର ସଞ୍ଜୀବ ଗୁପ୍ତା, କମାଣ୍ଡର ନାଗପାଲ ଏବଂ ନାବିକ ରାଗେଶ । ଏମାନେ ଭାରତୀୟ ନୌସେନାରେ ୨୦ବର୍ଷ ଧରି କାମ କରିବା ଭିତରେ କୌଣସି ଅଭିଯୋଗ ଆସିନାହିର୍ । ଟ୍ରେନର ସମେତ ବହୁ ଗୁରୁତ୍ୱପୂର୍ଣ୍ଣ ପଦବୀରେ ଏମାନେ କାମ କରି ଆସିଛନ୍ତି ।
ଏମାନେ କତାରରେ କାମ କରୁଥିବା ଅଲ ଦହରା ଏକ ଡିଫେନ୍ସ ସର୍ଭିସ ପ୍ରୋଭାଇଡର କମ୍ପାନୀ ଅଟେ । ସୈନିକଙ୍କୁ ଟ୍ରେନିଂ ଦେବା ଏହି କମ୍ପାନୀର କାମ । ଏହାର ମାଲକାନା ହକ ଓମାନର ଜଣେ ନାଗରିକଙ୍କ ପାଖରେ ରହିଛି । ପୂର୍ଣ୍ଣେନ୍ଦୁ ତିୱାରୀ ଏକଦା ଏହି କମ୍ପାନୀର ମ୍ୟାନେଜିଂ ଡାଇରେକ୍ଟର ଥିଲେ । ଅନ୍ୟ ୭ ଜଣ ଏଠାରେ ୬ରୁ୭ବର୍ଷ ଧରି କାମ କରି ଆସୁଛନ୍ତି ।
BREAKING NEWS
- କୋହଲିଙ୍କ ସହ ବନ୍ଧୁତା ପଡ଼ିଲା ବହୁତ ମହଙ୍ଗା, ଜାଣନ୍ତୁ କାହିଁକି ଏପରି କହିଲେ ଫାଫ୍ ଡୁ ପ୍ଲେସିସ୍?
- ବନ୍ଦେ ଭାରତରେ ଚଢ଼ିବା ମହଙ୍ଗା ପଡ଼ିଲା, ୩୬ ହଜାର ଟଙ୍କା ଫାଇନ
- ସମ୍ଭାବ୍ୟ ବାତ୍ୟା ଭୟ: ମାଲକାନଗିରିରେ ୨ ଦିନ ସ୍କୁଲ ଛୁଟି ଘୋଷଣା…
- ଆଇପିଏଲ ୨୦୨୭ ରିଟେନସନ୍: ହେଡ୍, ଷ୍ଟାର୍କ ଓ ବୋଲ୍ଟ ବାହାର; ଜାଣନ୍ତୁ କେଉଁ ଦଳ କାହାକୁ କଲା ରିଲିଜ୍?
- ୨୦୦୮ ଆଇପିଏଲ ନିଲାମୀରେ କାହିଁକି ମାହିଙ୍କୁ କିଣିପାରି ନଥିଲେ ମୁମ୍ବାଇ ଓ ବାଙ୍ଗାଲୋର?
- କିମ୍ସରେ ଜଟିଳ ଅସ୍ତ୍ରୋପଚାର; ନୂଆ ଜୀବନ ପାଇଲା ୪ ମାସର ଶିଶୁକନ୍ୟା
- ‘ହନୁମ୍ୟାନ୍’ ଅଭିନେତା ତେଜା ସଜ୍ଜାଙ୍କ ନିର୍ବନ୍ଧ
- ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟେଷ୍ଟ: ୪ ଜଣ ଦ୍ରୁତ ବୋଲରଙ୍କ ସହ ମଇଦାନକୁ ଓହ୍ଲାଇବ ଟିମ୍ ଇଣ୍ଡିଆ
- OFDCର ଅଧ୍ୟକ୍ଷ ଭାବେ ଅତିରିକ୍ତ ଦାୟିତ୍ୱ ନେଲେ ଭାସ୍କର ଜ୍ୟୋତି ଶର୍ମା
- ବର୍ଜ୍ୟବସ୍ତୁରୁ ବିଦ୍ୟୁତ୍ ଉତ୍ପାଦନ: ଘୁଷୁରି ମଳମୂତ୍ରରୁ ଦେଶର ୪୦% ଗ୍ୟାସ୍ ଚାହିଦା ପୂରଣ କରୁଛି ଡେନମାର୍କ
Comments are closed.