ବେଙ୍ଗାଳୁରୁ: ଦିଲ୍ଲୀରୁ ବେଙ୍ଗାଳୁରୁ ଯାଉଥିବା ଇଣ୍ଡିଗୋ ବିମାନରେ ଜନ୍ମ ନେଲା ଶିଶୁପୁତ୍ର । ଗୁରୁବାର ସନ୍ଧ୍ୟାରେ ଇଣ୍ଡିଗୋ ବିମାନ ୬ଇ ୧୨୨ରେ ଏହି ପିଲାଟି ଜନ୍ମ ନେଇଛି । ବେଙ୍ଗାଳୁରୁରେ ବିମାନଟି ପହଞ୍ଚିବା ପରେ ବିମାନ ବନ୍ଦର କର୍ତ୍ତୃପକ୍ଷ ଉଭୟ ମାଆ ଓ ଶିଶୁକୁ ସ୍ୱାଗତ କରିଥିଲେ । ଯାହାର ଫଟୋ ଓ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
ସୂଚନା ଅନୁଯାୟୀ, ବିମାନରେ ଯାତ୍ରା କରୁଥିବା ମହିଳା ହଠାତ୍ ପ୍ରସବ ବେଦନା ଅନୁଭବ କଲେ । ଆଉ ସେଠାରେ ସତେ ଯେମିତି ଦେବଦୂତ ସାଜିଥିଲେ ବିମାନରେ ଯାତ୍ରା କରୁଥିବା ସ୍ତ୍ରୀ ଓ ପ୍ରସୂତି ଡାକ୍ତର ଶୈଳଜା ବଲ୍ଲଭ । ବିମାନର କର୍ମଚାରୀଙ୍କ ସହଯୋଗ କ୍ରମେ ପିଲାଟି ଜନ୍ମ ନେଇଥିଲା । ପ୍ରସବ ସମୟରେ ବିମାନ ଉଡାଣ ସ୍ୱାଭାବିକ ଥିଲା । ବିମାନ କର୍ମଚାରୀମାନେ ଡାକ୍ତରଖାନାର ସୁବିଧା ଯୋଗାଇ ଦେଇଥିଲେ । ଫଳରେ ପ୍ରସବରେ କୌଣସି ଅସୁବିଧା ହୋଇ ନ ଥିଲା ।
ଏହି ଘଟଣାର ଫଟୋ ସହଯାତ୍ରୀମାନେ ସୋସିଆଲ ମିଡିଆରେ ସେୟାର କରିବା ସହ ବିମାନ କର୍ମଚାରୀଙ୍କ ସହଯୋଗକୁ ପ୍ରଶଂସା କରିଛନ୍ତି ।
ମହିଳା ଜଣଙ୍କ ୩୨ ସପ୍ତାହରୁ କମ ସମୟର ଗର୍ଭବତୀ ଥିବା ସୂଚନା ଦେଇଥିବାରୁ ତାଙ୍କୁ ବିମାନରେ ଯାତ୍ରା ପାଇଁ ଅନୁମତି ମିଳିଥିଲା । ତେବେ ଉଭୟ ମାଆ ଓ ନବଜାତକ ସୁସ୍ଥ ଥିବା ଜଣାପଡିଛି ।
ବିମାନଟି ବେଙ୍ଗାଳୁରୁରେ ପହଞ୍ଚିବା ପରେ ବିମାନ ବନ୍ଦର ପକ୍ଷରୁ ଉଭୟ ମାଆ ଓ ନବଜାତକଙ୍କୁ ସ୍ୱାଗତ କରାଯାଇଥିଲା ।
Was on @indigo6E 122flight to BLR,woman gives birth to a baby boy mid-air,amazing team work of Indigo flight attdnts.Cabin crew is not just there to pour teacoffee in ur cups.Thy r well trained 2 handl any kind of situations on board wich includes child birth as well.@forever.6e pic.twitter.com/lcmfMZnc30
— Moses Marton (@MosesMarton) October 7, 2020
Amazing scenes. Baby born mid-air on @IndiGo6E Delhi – Bangalore flight today, helped by the airline’s crew. ???
Future IndiGo pilot perhaps. ?#aviation #avgeek #india ✈ pic.twitter.com/0rJm7B5suQ
— Tarun Shukla (@shukla_tarun) October 7, 2020