କଟକ: ଗୁରୁବାର କଟକ ଜିଲ୍ଲାର ମହାନଦୀ ନଦୀରେ ଏକ ହୁଲି ଡଙ୍ଗା ବୁଡ଼ି ଜଣେ ଯୁବକ ନିଖୋଜ। ଖବର ଅନୁଯାୟୀ, ସକାଳେ ଜିଲ୍ଲାର ବାଙ୍କି ଥାନା ଅଞ୍ଚଳର ସହଙ୍ଗା ଗୋପାଳପୁର ଗାଁ ନିକଟରେ ଚାରିଜଣ ଯୁବକ ନିଜ ବନ୍ଧୁଙ୍କ ଘରକୁ ଯାଇଥିଲେ। ପରେ, ସମସ୍ତ ପାଞ୍ଚଜଣ ବନ୍ଧୁ ନିକଟସ୍ଥ ମହାନାଦୀକୁ ଯାଇ ମତ୍ସ୍ୟଜୀବୀଙ୍କ ଏକ ହୁଲି ଡଙ୍ଗାରେ ନଦୀ ଭିତରକୁ ଯାଇଥିଲେ।
ତେବେ କୌଣସି କାରଣରୁ ସେମାନଙ୍କ ମଧ୍ୟରୁ ଜଣେ ଡଙ୍ଗାରୁ ଖସିପଡ଼ିଥିଲେ। ତାଙ୍କୁ ଉଦ୍ଧାର କରିବାକୁ ଉଦ୍ୟମ ବେଳେ ହୁଲି ଡଙ୍ଗାଟି ବୁଡ଼ି ଯାଇଥିଲା। ଡଙ୍ଗାଟି ବୁଡ଼ିବା ପରେ ଅନ୍ୟମାନେ ପହଁରି କୂଳକୁ ଫେରିଆସିଥିବା ବେଳେ ସପ୍ତଶଯ୍ୟା ଅଞ୍ଚଳର ସେଇ ଯୁବକ ଜଣଙ୍କ ନିଖୋଜ ଅଛନ୍ତି। ଘଟଣାର ଖବର ପାଇ ସ୍ଥାନୀୟ ଲୋକେ ଘଟଣାସ୍ଥଳରେ ଆସି ଯୁବକଙ୍କୁ ଖୋଜାଖୋଜି କରିବା ପରେ ଅଗ୍ନିଶମ ବାହିନୀକୁ ଖବର ଦେଇଥିଲେ।
ଖବର ପାଇ ଅଗ୍ନିଶମ ବାହିନୀ ଓ ସ୍ଥାନୀୟ ଲୋକେ ନିଖୋଜ ଯୁବକଙ୍କୁ ଖୋଜାଖୋଜି କରୁଛନ୍ତି। ନିଖୋଜ ଯୁବକ ଜଣକ ରଜତ ନାୟକ ଏବଂ ବୟସ ୨୩ ବର୍ଷ ହୋଇଥିବା ବେଳେ ତାଙ୍କ ଘର ଢେଙ୍କାନାଳ ଜିଲ୍ଲା ସପ୍ତଶଯ୍ୟା ଅଞ୍ଚଳରେ। ତେବେ ଅଗ୍ନିଶମ କର୍ମଚାରୀଙ୍କ ଦୁଇଟି ଟିମ୍ ସ୍ଥାନୀୟ ଲୋକଙ୍କ ସହ ନଦୀରେ ଖୋଜିବାରେ ନିୟୋଜିତ ହୋଇଛନ୍ତି। ଜରୁରୀକାଳୀନ ସେବାଗୁଡିକର ନିର୍ଦ୍ଦେଶରେ, କର୍ମଚାରୀଙ୍କ ସହିତ ଅଣ୍ଡର ୱାଟର ସର୍ଚ୍ଚ କ୍ୟାମେରା ସର୍ଚ୍ଚ ଅପରେସନରେ ସାହାଯ୍ୟ କରିବା ପାଇଁ କଟକରୁ ନଦୀକୁ ଯାଇଛନ୍ତି। ସର୍ଚ୍ଚ ଅପରେସନ ଜାରି ରହିଛି।